STELLALANDER-VRYBURG: Die Jakkalskop Vetveeskou is van 15 tot 17 November aangebied. Die kampioene op die Hoef is op 15 November gekroon. Die Super Os kampioen is gewen deur Kobus en Christo Oosthuizen.
Die Enkel Kampioen- titel is verower deur Wessel Kriel met Buffalo Mountain Game Ranch wat die Groep Kampioentitel opgeraap het. Die kampioene aan die Hak is op 17 November aangewys. Kobus en Christo Oosthuizen stap ook weg met die Super Os aan die Haktoekenning. Manie Bosch verower die Enkel Kampioen- titel met TJ (Koos) van den Heever wat aangewys is as die Groep Kampioen aan die Hak.
