Future Stars FC, het as jong klub al hul stempel afgedruk in liga wedstryde.
Die klub is amptelik in 2021 gestig en het in die O/17 Dawid Kruiper Ontwikkelingsliga deelgeneem.
In 2023 eindig die span tweede in die O/17 Ontwillelingsliga. Tans bestaan die klub uit ‘n O/13, O/15 en ‘n senior span, wat in die Super Promotional League deelneem.
“Future Stars FC is gebore uit 'n gedeelde passie vir sokker en 'n begeerte om 'n positiewe sportomgewing vir jong atlete in ons gemeenskap te skep. Ons glo sterk in die krag van sport om dissipline, spanwerk, fisieke fiksheid en karakterontwikkeling onder ons spelers te bevorder”, het die bestuurder van die span, Zolile Prusente gesê.
Jongmense wat by die klub wil aansluit, kan hom skakel by 0827280692.
“Ons span het nie permanente borge nie. Ons dra alle onkostes self. Ons doen ‘n beroep op besighede om te help met donasies sodat ons ‘n verskil kan maak in die samelewing”.
