Upington-swemklub het die afgelope naweek met geweldige entoesiasme by die Flamingo-gala in Kimberley die swemseisoen afgeskop. Met nege swemmers wat deelgeneem het is ons verheug om die uitslae aan te kondig.
Nieke Engelbrecht het een goud, twee silwer en twee brons verwerf.
Cara Fourie met sewe goud en vier silwer.
Welna Hanekom het haar swemtye verbeter.
Viljoen Husselman het twee bronsmedaljes verwerf.
Marlo Lensing met 2 goud en 2 silwer.
Johan Louw het vier goud en vier silwer.
Emmah Myburgh het een brons.
Llewellyn Orffer het een goud, twee silwer en een brons.
En Liane van Zyl het twee goue medaljes, een silwer, en drie brons medaljes gekry. (Welna Hannekom is afwesig in die foto)
Upington Swemklub nooi almal hartlik uit om die ‘Gees Vang gala’ op 18 Oktober by die dorp swembad by te woon. Ons maak geraas, berei voor vir Champs, en bring bietjie energie en opwinding om die res van die swemseisoen aan te pak. Ons hoop om almal daar te sien!
