RUSTENBURG HERALD - RUSTENBURG - Die BRPM- span van Impala Processing het na ses weke van mededingende rolbal daarin geslaag om as oorwinnaars uit die stryd te tree.
Dié spanboupoging is suksesvol aangebied en spelers en bestuur is dit eens dat dié formaat van kompetisie jaarliks meer gereeld aangebied moet word.
Meer werknemers gaan ook betrek word omdat die manne sowel as die vroue die spel saam kan geniet. Rustenburg Rolbalklub verwelkom dié idee van Impala en sal dit met graagte in die toekoms wil akkommodeer.
Indien daar manne of dames is wat meer inligting benodig oor verhuring of rolbaldae, kan die klubsekretaresse, Centaine, geskakel word by 067 949 5485.
