Karatekas van die Johan van Tonder Karateklub het Noordwes TISKA (“Traditional International Shotokan Karate Association”) tydens die SA TISKA-karatekampioenskappe verteenwoordig en puik gevaar. Die toernooi het op 18 en 19 Oktober by die Noordwes Universiteit in Potchefstroom plaasgevind. Shihan Sahota (8ste Dan) van Engeland en ook die TISKA Internasionale-hoof was teenwoordig. Op die foto verskyn Omphile Moshilo, Lian Stols, Lundikule Mbongwa, Jayden van Wyk, middel: Tian Robinson en Yeshua de Beer en agter Leago Bogatsu, Sensei Johan van Tonder, Dehan Lotter, Jan-Hendrik Hahn en Nico van Wyk. Afwesig: Ben Vorster, Rolindi Fourie en Rico Fourie.
