STELLALANDER-STELLA: Claudien Uys, ’n leerder van Hoërskool Stella, het op Saterdag, 3 Mei aan die jaarlikse SAIC uithourit in Fauresmith deelgeneem en haar merk gemaak.
Sy het aan die 120 km-item deelgeneem en algeheel sewende geëindig met ’n indrukwekkende tyd van 6 uur en 18 minute. Met hierdie prestasie het sy haar Protea-kleure ontvang, wat haar as een van die land se voorste uithouritryers bekroon. Hoërskool Stella en die gemeenskap is trots op haar puik prestasie en wens haar sterkte toe met toekomstige uitdagings.
