STELLALANDER-STELLA: Drie atlete van Hoërskool Stella het Saterdag, 8 Maart, puik prestasies behaal en medaljes verower by die Sekondêre Noordwes Atletiekkampioenskappe in Potchefstroom. Suné Bouwer het ‘n silwermedalje losgehardloop in die meisies o/17-400m, terwyl Hardo Brümmer tweede geëindig het in die seuns o/17-driesprong.
Jonathan Cloete het ‘n bronsmedalje verower in die seuns o/19-hoogspring. Hierdie prestasies is ‘n bewys van die harde werk en toewyding van die Stella-atlete, en die skool is trots op hul uitslae. Die atlete en hul afrigters hoop om hierdie momentum voort te sit in toekomstige kompetisies. 
