STELLALANDER-VRYBURG: Laerskool Stellaland het Vrydag, 24 Mei die wiele laat rol met hul jaarlikse kaskar resies. Die GrR’e het eerste laat spaander waarna elke graad ‘n beurt gekry het.
Die klas in elke graad wat die meeste rondtes kon hardloop is beloon met iets lekkers te ete. Die senior grade het die stof behoorlik laat staan en selfs die onderwysers het hul staal gewys. Laerskool Stellaland bedank graag al die borge wat die dag moontlik gemaak het.
