STELLALANDER-VRYBURG: In die skroeiende Kalaharihitte het junior en senior tennisspelers met vlugtige voete oor die baan beweeg tydens die jaarlikse Vryburg Apteek borgdag...
wat Saterdag, 11 Oktober by Ramblers Tennisklub in Vryburg gehou is. Drie groepe volwassenes en een groep juniors het om die eerste, tweede en derdeplekke indie verskeie groepe meegeding.
Die dag se tennis is afgesluit met die prysuitdeling waarna almal aan ‘n heerlike Kalaharibiefstuk gesmul het. Die wenners en naaswenners in die junior afdeling is Bernard Muller, Jacobus van der Linde, Reinardt van Vuuren, Theunis van der Linde, Franco van Vuuren, Milah van Wyk en Mydrie van Wyk.
Die wenners en naaswenners in groep een is Christopher Kingston, Isak Venter, William Harvey, Theulet van Wyk, Renette Kingston en Renaldi Burger. Die wenners en naaswenners van groep twee is Frikkie Retief, Kevin Smithers, Divan Reinecke, Junet van Wyk, Carina Muller en Synteche Lee.
Die wenners en naaswenners in groep drie is Albert Smit, Hanno Steyn, Fawaaz Kokatay, Heidi van Vuuren, Cayla Gemishuys en Brenda Odendaal.
