BRITS POS – BRITS – Manie Maritz bied jaarliks ‘n gholfdag aan vir sy kliënte en so was Jerry Bouwer van Hartbeespoort Medical Service (HEMS) ook deel van die kompetisie.
Verlede jaar het almal weer so gemaak en toe kom die uitdaging – Bouwer het vir Maritz gesê dat sy gholfdag ‘n kompetisie tussen hulle moet wees en Woensdag, 27 November het hulle mekaar, besigheidseienaars en kliënte genadeloos gepak by Magaliespark-gholfbaan.
Daar is hard gespook en HEMS moes bes gee, maar groter en beter dinge wag op dié spanne en volgende jaar se datum sal beslis gedagboek moet word. Om alles te kroon was sanger, Jo Black en geliefde rugbyspeler, Morné Steyn ook daar om te help dat daar nie net gholf gepraat is nie. Dankie ook aan al die borge. Gesels gerus met Bouwer en Maritz indien jy enige insette kan lewer. Hierdie ‘Rival Cup’ is beslis hier om te bly en die groter gemeenskap betrokke te kry. (Foto’s verskaf).
