GEMSBOK-UPINGTON: Karoshoek Solar One (RF) (Edms) Bpk (KS1), in vennootskap met Sol Plaatje University’s Centre for Entrepreneurship & Rapid Incubator (CfERI) - geleë in Upington, is trots om die bekendstelling van die Entrepreneuriese Jeugvaardigheidsontwikkelingsprogram aan te kondig.
Die inisiatief het ten doel om 30 jongmense tussen die ouderdom van 18 – 35 uit die gemeenskappe - binne die 50 km-radius van die KS1 se bedryfsaanleg - te bemagtig met die vaardighede en kennis wat nodig is om in die dinamiese wêreld van entrepreneurskap te floreer.
Die program is ontwerp om deelnemers ‘n omvattende begrip van die entrepreneuriese landskap te bied, wat noodsaaklike onderwerpe soos sakebeplanning, finansiële bestuur, bemarkingstrategieë en innoverende denke dek.
Deur ‘n kombinasie van teoretiese leer en praktiese toepassing, sal die program jong entrepreneurs toerus met die gereedskap wat hulle nodig het om hul besighede te begin, te groei en te onderhou.
Sleuteldoelwitte van die program:
1. Vaardigheidsontwikkeling: Rus jongmense toe met die nodige vaardighede om sakegeleenthede te identifiseer, sakeplanne te ontwikkel en dit doeltreffend uit te voer.
2. Mentorskap: Verskaf toegang aan ervare mentors uit verskeie industrieë wat leiding en ondersteuning kan bied deur die entrepreneursreis.
3. Netwerk: Skep geleenthede vir deelnemers om met ander entrepreneurs, bedryfsleiers en potensiële beleggers te skakel.
4. Innovasie en kreatiwiteit: Kweek ‘n omgewing wat innoverende denke en kreatiewe probleemoplossing aanmoedig. Aanhalings: “Ons is opgewonde om met Sol Plaatje Universiteit saam te werk om hierdie transformerende program van stapel te stuur.
Ons doelwit is om jong individue te bemagtig deur aan hulle die vaardighede te verskaf wat hulle nodig het om suksesvolle entrepreneurs te word. Ons glo dat hierdie inisiatief nie net tot voordeel van die deelnemers sal wees nie, maar ook sal bydra tot die ekonomiese ontwikkeling van ons gemeenskappe.” sê Pitso Monyeki, sosio-ekonomiese ontwikkelingsbestuurder van Karoshoek Solar One (RF) (Pty) Ltd (KS1)
