Klerksdorp Record - Community News

Mark gaan van krag tot krag

Die Pick n Pay stalletjiemark van Saterdag 26 April was omtrent ‘n miernes van bedrywigheid soos almal die langnaweek benut het. Mense het in groot getalle opgedaag en kon by die mark kragte meet met die lede van die Kraken armdrukklub wat by die mark kom kuier het. Die klublede het vir die publiek die fyner kunsies van armdruk geleer. Die 40 uitstallers is goed ondersteun. In Mei word daar op 3 Mei en 31 Mei markte by Pick n Pay aangebied. Op die foto wys Landu Viviers van Kraken vir Tinus van Staden, organiseerder van die mark, die regte greep vir armdruk.

Foto verskaf.

Leiers van more

Klerksdorp Rekord, Potchefstroom - ’n Totaal van 108 leerlinge, verbonde aan van die voorste skole in Gauteng, Noordwes en die Wes-Kaap, het verlede week AfriForum Jeug en AfriForum se Onderwysafdeling se tweede Toekomsskeppers-werkswinkels bygewoon.

Hoof- en onderhoofleiers sowel as eerstespankapteine wat verlede jaar se eerste Toekomsskeppers-funksie bygewoon het, is weer na vanjaar se unieke slypsessies vir jong leiers genooi wat as deel van die organisasie se jeug leierskapsontwikkelingprogram aangebied is.

Tshepong: please adhere to appointments

Klerksdorp Record, Klerksdorp - The Klerksdorp-Tshepong Hospital Complex would like to remind patients of the importance of adhering to their scheduled appointments and medication collection times.

This will enable the hospital to provide efficient and effective healthcare services to all patients.

Kom armdruk by stalletjiemark

Klerksdorp Rekord, Klerksdorp - Alles is in plek vir die Pick n Pay stalletjiemark op Saterdag 26 April van 08 00 tot 13:00. Die spesiale gaste vir die dag is die Kraken armdrukklub van Klerksdorp.

Die klublede sal ‘n demonstrasie lewer waar almal die moets en moenies van arm druk kan leer. Die gemeenskap van Klerksdorp word spesiaal genooi om aan die armdrukuitdaging te kom deelneem. Kom druk arm teen jou vriend of teen die lede om ‘n prys te wen.

Kom ondersteun die sowat 45 uitstallers wat daar gaan wees. Daar is nog staanplek beskikbaar teen R120. Die sosatie- en worsbroodjiestalletjie is nog beskikbaar vir Saterdag. Skakel Tinus van Staden 083 294 8077 vir navrae en stalletjiebesprekings.

Bikers het harte van goud

Bikers Care NW dink aan sy medemens gedurende die Paastyd en het uitgereik na diegene wat by verkeersligte staan. Dié groep het verlede week Paaseiers uitgedeel. Hulle het ook hospitale, ouetehuise en onder meer Uitkomsdal besoek en mense verras met Paaseiers. Hulle het sowat 4000 Paaseiers by die verkeersligte in Klerksdorp en Potch uitgedeel. Bikers Care NW is deel van die Bikers Ministry Kosh. Hier kry die inwoners van Uitkomsdal Paaseiers.