Klerksdorp Record, Klerksdorp - Four men were killed in two separate shootings within two days of each other.
At this stage, the shootings don’t seem to be connected. The latest incident happened in Orkney on Saturday night March 2 at 23:00 when two men died in a hail of bullets while driving in Shalot Maxeke Avenue. The driver of the BMW died on the scene while his passenger was transported to hospital where he succumbed to his wounds. Four people sitting in the back of the vehicle escaped without injury.
Pa se nek in motorongeluk gebreek
Klerksdorp Rekord, Orkney - Een van die mans wat verlede week by ‘n rooi verkeerslig gewag het om te ry, se nek is gebreek toe ‘n nutsvoertuig tromp-op in hul vasjaag.
Die botsing het op Vrydagoggend 1 Maart by die kruising van Ian- en Chris Hanistraat gebeur. Toe Klerksdorp Rekord op die toneel kom, het paramedici reeds begin met noodbehandeling op die 73-jarige Willem Coetzee van Vierfontein. Hy en sy seun was onderweg huis toe vir die naweek vanaf Rustenburg waar hulle in die konstruksiebedryf werk.
Man verbrand toe geyser ontplof
Klerksdorp Rekord, Klerksdorp - ‘n Fratsongeluk kan in ‘n oogwink plaasvind. Charmain en Willie Hurn het dit agtergekom toe hul geyser ontplof en die kokende warm water oor Willie gespat het.
Charmain was op Maandag 4 Maart in hul sitkamer toe Willie (53) in hul huis se die dak klim om te kyk hoekom water deur die dak drup. Dit was nie lank nie toe hoor sy ‘n harde slag en Willie wat gil van pyn.
“Hy het om hulp geroep en ek kon die pyn en skok in sy stem hoor. Die geyser het gebars en al daai kokende water het oor hom gespat. Hy het gebrand tot by sy lieste en sy een hand het ook gebrand soos hy probeer keer het. Dit is sekerlik derdegraadse brandwonde. Toe moes ons hom nog uit die dak kry en die leer breek toe ook nog. Die duiwel was listig by my,” vertel sy ‘n dag na die voorval aan Klerksdorp Rekord.
Karkas voor in winkel geslag
Klerksdorp Rekord, Hartbeesfontein - Inwoners van Hartbeesfontein het met skok gereageer nadat twee Somaliërs wat ‘n wegneemeetplek op die dorp bedryf, Maandagaand 4 Maart betrap is dat hulle besig was om ‘n bees in die winkel te slag.
Lede van die buurtwag het net na 20:00 daarvan te hore gekom en ‘n stokkie daarvoor gesteek. Die polisie is ook na die toneel ontbied. Die karkas is toe na ‘n perseel in Tigane geneem waar dit verder geslag en verwerk is. Die dier is glo vroeër die dag by ‘n plaaslike boer gekoop.
Wyk 16 vir ure in donker
Klerksdorp Rekord, Klerksdorp - ‘n Diefstalsindikaat wat doenig is in Flimieda en Wilkeville slaan kort-kort toe op elektriese substasies wat dan veroorsaak dat die buurte telkens vir ure sonder krag is.
Rdl Jacky Basson van die DA sê sy is al raad op en doen alles in haar vermoë om die inwoners van wyk 16 te help. “Dit is ‘n krisis, want die hersteltyd van ‘n gevandaliseerde substasie neem tussen ses en sewe uur en voor herstelwerk kan plaasvind, moet elektrisiëns eers die probleem identifiseer. Elektrisiëns begin ook eers om 08:00 werk. So as ‘n substasie snags gevandaliseer word, kan inwoners tot 12 uur lank sonder krag wees,” sê sy.
More Articles …
