BRITS POS – BRITS – Brits Rusoord-inwoners het Saterdag, 2 Maart besoek ontvang van Harties Biking Council (HBC) en daar is lekker gekuier.
Die inwoners is met worsbroodjies en iets te drinke bederf en almal het lekker saam gekuier.
Die HBC is n plaaslike instansie wat uit agt motorfiets klubs van Brits en Hartbeespoort bestaan. Hulle hou jaarliks ses byeenkomste om fondse vir liefdadigheid in te samel - die Ratcrawl, Frozen butt, Tin4Tin, Lenterun, HBC 1000 en die Toyrun.
Fondse, speelgoed en kos word verdeel tussen plaaslike kinderhuise en pretdae word ook gereel by tehuise vir bejaardes.
Mense met groot harte wat graag net hulle deel vir die gemeenskap wil doen en teruggee aan die gemeenskap en kinderhartjies warmer wil laat klop, kan Lukas Wilken (voorsitter) 082 787 4561 of Christo van der Vyver (ondervoorsitter) 082 896 3268 en Aretha Symington (sekretaresse) by 061 683 0829 skakel.
