BRITS POS – BRITS – Die juniorspelers van Brits Krieketklub het die eerste rondte van die 2024/2025 Titans Junior-liga met groot welslae afgesluit.
Albei Brits se o.13 spanne (A en B) het as wenners geseëvier. Die ander juniorspanne se uitslae is: o.9 A’s (3de), o.9 B’s (6de), o.11 A’s (2de) en o.11 B’s (5de).
Die top junior spelers van die klub is:
SJ Badenhorst (o.9) het 95 lopies in die eerste rondte gemaak en is tans eerste in die Titans-liga met 346 punte.
Ben Bonner (o.11) is tweede in die Titans-liga met 1 149 punte en 13 paaltjies in net agt wedstryde en op sy kerfstok is hy sover die nommer een bouler van die 2024/2025 Titans-liga.
Brits Krieketklub se o.11 top 5-kolwers is: Ben Bonner (201 lopies), Dian Fensham (136 lopies), Jomar van Rooyen (96 lopies), Ewald Esterhuizen (93 lopies) en JG du Plessis (55 lopies).
