Klerksdorp Rekord, Klerksdorp - Ian Roberts, wat pas sy outobiografie Is dit Jy? bekendgestel het, tree Vrydagaand 27 September op in Ianstraat, Klerksdorp.
Toeval? Dalk nie, want Verdant in Ianstraat is bekend vir sy rustige atmosfeer, heerlike spyskaart en kookwater mengeldrankies.
Voeg daarby die befaamde Radio Kalahari Orkes waarvan Ian die hoofsanger is, en jy het die resep vir die perfekte ‘hallo naweek’-kuier. Ian gaan van sy boeke daar te koop hê en hy het ook belowe om ‘n paar staaltjies uit die boek te deel. Die aand skop af om 18:30, maar kom vroeër vir Happy Hour.
Toegang is R150 per persoon, kinders o/12 betaal halfprys en kleuters gratis. Skakel Heidi by 079 279 1662 om jou kaartjie te kry.
