Klerksdorp Record - Community News

Grootste Nampo nóg

Klerksdorp Rekord, Bothaville - Die 57ste Nampo Oesdag het verlede week op ‘n hoogtepunt afgesluit en sy posisie as Suider-Afrika se grootste en mees invloedryke graan-gefokusde landbouhandelsuitstalling herbevestig.

Met ‘n rekordbywoning van 87 191 besoekers oor vier dae en met meer as 900 uitstallers, het Nampo weereens bewys dat dit die belangrike byeenkoms vir die graansektor, die breër landbouwaardeketting, en ‘n kritieke betrokkenheidsplatform is om oplossings en besprekings vir die landboubedryf te ondersoek.

Full house art exhibition

Klerksdorp Record, Klerksdorp - Ninety artworks are on display at the ARTi Gallery where the TRIO exhibition with works by three local artists opened on Saturday May 17.

The exhibition showcases the works of Robert Thirtle (55 artworks), Anni Thirtle (17 artworks), and André Austin (23 artworks).

Robert’s range across various media, from oil paintings to his recent sculptures will captivate viewers; while his mom, Anni’s work in her signature style of colourful faces and whimsical rabbits has people in awe. She sold five artworks on the opening night with all her rabbits sold out.

Matriekklas se vriendskap strek oor dekades

Klerksdorp Rekord, Klerksdorp - KHS se matriekklas van 1960 het nog noue bande met mekaar en het vroeër die maand in Potchefstroom bymekaargekom vir ‘n reünie.

Die 13 oud-leerlinge het saam met hul gades die geselligheid bygewoon en ‘n heildronk ingestel op ‘n lewenslange vriendskap. Hulle was 65 jaar gelede in matriek.

Begraafplase oorstroom ná swaar reën

Klerksdorp Rekord, Klerksdorp - Die Matlosana Munisipaliteit se Departement van Gemeenskapsdienste sukkel tans by die begraafplase in die Kosh-gebied weens onlangse swaar reënval wat ondergrondse water veroorsaak het.

Sowat 90% van die begraafplase word hierdeur geraak, wat begraafplaas-bedrywighede ernstig ontwrig, sê woordvoerder Ntswaki Makgetha. Die oorstroming van grafte lei tot vertragings in teraardebestellings.

“Families weier alternatiewe grafte en in sommige gevalle het mense self begin om grafte te grawe. Talle begrafnisse moes al uitgestel of gekanselleer word as gevolg van die water.’’

Die Stad doen ‘n beroep op die gemeenskap om geduldig te wees tot die probleem opgelos word.

Munisipaliteit waarsku teen skelms

Klerksdorp Rekord, Klerksdorp - Die Matlosana Munisipaliteit het verbruikers in kennis gestel dat munisipale werknemers tans besig is met kredietbeheer-aksies, wat die afsny en koppel van elektrisiteit insluit.

Ntswaki Makgetha van die munisipaliteit het benadruk dat slegs munisipale werknemers hierdie dienste sal uitvoer. Geen eksterne diensverskaffer is aangestel om krag te sny nie, ‘n aangestelde kontrakteur sal wel waterbeperkings hanteer.