Klerksdorp Rekord, Vierfontein - Die NG Kerk op die dorp hou basaar op 9 Maart.
‘n Veteraan motorskou sal by die basaar gehou word. Skakel 072 451 7816 om jou motor uit te stal. Ulysses Motorfietsklub sal ook hul ysterperde uitstal. Kinders kan aan ‘n skietkompetisie deelneem, asook ‘n skattejag op fietse deur die dorp. Deelnemers moet net hul eie fietse saambring.
Besoekers sal kan snuffel en koop by verskeie stalletjies en heerlike basaarkos sal te koop wees.
Besoekers kan ook kaartjies koop vir ‘n ete om 11:30.
