Op die vooraand van ons susterskoerant, Rustenburg Herald, se 100ste bestaansjaarvieringe wat eerskomende naweek gevier word, is dit met leedwese dat Noordwes Koerante bekend maak dat PJ (Pieter) Theron - vir dekades lank die vader van Rustenburg Herald, uitgewerspionier en raakvat-sakeman - Maandagoggend oorlede is. Hy was 94 jaar oud. Hy was regstreeks verantwoordelik vir die stigting en uitbreiding van die Noordwes Koerantgroep van ‘n beskeie plattelandse gemeenskapskoerant (Rustenburg Herald - 1924 tot 2024) tot ‘n volwaardige mediagroep in Noordwes en Noordkaap met 11 publikasies. Die Theron-familie bedank alle Rustenburgers, familie, vriende en kennisse vir hul blyke van simpatie en boodskappe van bemoediging. ‘n Gedenkdiens word Vrydag 18 Oktober, om 10:00 vanuit die NG Kerk Faerie Glen in Glenwoodweg 429, Faerie Glen, Pretoria gehou. Die diens sal regstreeks gebeeldsend word. Kliek op https://bit.ly/pietertheron - REDAKTEUR.
