Klerksdorp Rekord, Klerksdorp - ‘n Voormalige wyksraadslid van die Dr Kenneth Kaunda Distriksmunisipaliteit, Letlhogonolo Molefi (39) het in die Klerksdorp Landdroshof verskyn op aanklag van intimidasie, afpersing en obstruksie by ‘n bouterrein.
Molefe is op 23 Julie in hegtenis geneem tydens ‘n geheime operasie deur die provinsiale georganiseerde misdaad en misdaadintelligensie wat saam met Klerksdorp se taktiese reaksiespan (TRT) werk.
Volgens lt-kol Amanda Funani het die polisie inligting ontvang van ‘n kontrakteur wat geïntimideer word deur mense terwyl hy besig is om vesel op die N12 te installeer. “Die kontrakteur is na bewering deur twee mans genader wat hulself as verteenwoordigers van die Klerksdorp-gemeenskap voorgestel en werk geëis het. Verder het die verdagtes onmiddellike betaling van R50 000 beskermingsfooi geëis.
“Hulle het ook gedreig om die terrein te verlaat en terug te kom wanneer hy geld het om die verdagtes te betaal.’’ Molefe is uiteindelik in Klerksdorp in hegtenis geneem nadat hy in besit van die geld gevind is. Die beskuldigde is tot 27 Augustus in aanhouding wanneer hy waarskynlik om borgtog sal aansoek doen.
