Klerksdorp Rekord, Klerksdorp - Laerskool Saamtrek se eerste gholfspan het ‘n goeie seisoen beleef deur eerste in die Noordwes uitspeelrondtes te eindig wat by Magaliespark gehou is.
Die span bestaan uit Dehan van der Merwe, Ruben van der Merwe, PG van Niekerk en Juhanell Ollewagen. Tydens die uitspele wen die span die Noordwes Zero- en IPS-afdeling. Dehan is individueel tweede en Ruben derde in die zero-afdeling. Juhanell wen die zero-afdeling en behaal ‘n tweede plek in die IPS vir meisies. Dehan, Ruben en Johanell word ook gekies vir die Noordwes spanne.
Vroeër het die span ‘n tweede plek behaal tydens die Super 12 skolereeks in Krugersdorp.
In die individuele Zero-afdeling behaal Ruben ‘n derde plek en Dehan ‘n vyfde plek.
