Laerskool Saamtrek se drama akademie het die gehoor bekoor met ‘n opvoering van “Sinderella”. Die produksie, ‘n parodie van Aspoestertjie, is aangebied deur gr RR tot gr 7 leerlinge van die skool. Die Goeie Fee was nie so goed nie en eintlik ‘n “fairy badmother” en sy en die stiefma en stiefsusters het alles in hul vermoë gedoen om te keer dat die prins vir Sinderella kry. Maar met enige sprokie is daar ‘n les. As jy gemeen is en iemand wil probeer verneder, word jyself uitgevang! Die opvoering is verlede week oor twee dae in die skoolsaal opgevoer.
