Klerksdorp Rekord, Klerksdorp - Altesaam 109 stoeiers het die afgelope naweek by die Klerksdorp stoeisaal deelgeneem aan die jaarlikse Noordwes Uitnodigingstoernooi.
Klubs van Johannesburg, Fochville, Welkom, en Vryburg het op Saterdag 4 Mei na Klerksdorp gereis en toeskouers het puik stoei gesien.
Klerksdorp stoeiklub het hulle goed van hul taak gekwyt en 14 medaljes los gestoei. Die klub is besig om sy vlerke te sprei en nooi jong mense uit om aan te sluit by die klub. Oefentye is Maandae en Woensdae, 17:30 tot 19:00. Skakel vir Jannie Taljard, voorsitter van Klerksdorp Stoeiklub, by 082 450 3114.
