Klerksdorp Rekord, Kroonstad - Die SA Senior Jukskeikampioenskap is van 22-24 Maart in die Vrystaat gehou.
Nege provinsies en 18 distrikte het deelgeneem. Noordwes het met 32 spelers sy man gestaan en algeheel tweede geëindig. Gauteng-Noord het eerste geëindig en Oos-Gauteng derde.
Noordwes het vier Springbokke opgelewer: Esther Ross (vroue bo 50), Lize van der Merwe (vroue bo 60), Jannie Opperman (mans bo 50) en Hardus Ross (senior mans).
NW het vier spelers in die SA A-span: Frikkie Nieuwodt (senior mans), Ferdi Voolstra (mans o/30), Rika Janjetich (senior vroue) en Juhanie Wilken (vroue o/30).
Noordwesters het uitgeblink en sewe spelers is uit 120 spanne uitgewys as uitblinkers van die toernooi.
