Klerksdorp Rekord, Klerksdorp - Tydens die pas afgelope Noordwes Rolbal Ope Pare kompetisies het KBC se manspanne skoonskip gemaak en weggestap met goud, silwer en brons medaljes.
Die span van Errol Booth/Alan Kirkland het die goue medalje verower deur die span van Morné Kretschmer/Henk Heymel in die finaal te klop na ‘n spannende wedstryd wat gelykop geëindig het na normale spel. ‘n Uitspeel rondte was nodig om die wenner te bepaal.
Die brons medaljes het gegaan aan nog ‘n KBC span van Tinus Crous/Piet Croucamp en ‘n span van PCC, Thinus van Zyl/Gert Putter.
Die dameskompetisie is gewen deur Corrie Breitenbach/Baybee Mojanaga met Natasha Herbst/Carmen Rossouw, wat silwer wen, Lorette van der Linde/Aneska Ricter, wen brons en Christi Fourie/Surika van der Westhuizen, ook brons.
Indien iemand belangstel om rolbal te kom speel of by klubs wil aansluit kan hulle vir André skakel by 082 418 5729.
