Klerksdorp Rekord, Klerksdorp - Tydens pas afgelope NW Meesters rolbaltoernooi het spelers van Klerksdorp Rolbalklub menige medaljes verower in die onderskeie afdelings.
Altesaam 48 spelers, wat in vorige toernooie presteer het, was genooi om aan die prestige rolbaltoernooi deel te neem in Potchefstroom.
Spelers het in twee afdelings meegeding, die ope- en veteraanafdeling. Na groepfase wedstryde was die finaliste bepaal wat in die finale gespeel het. Jillian Booth het in die dames veteraanafdeling goud verower. In die ope afdeling verower Tinus Crouse silwer, Josh Radebe silwer en Dalene Peens brons. Pikkie Loots en Errol Booth verower brons in die mans veteraanafdeling.
