Klerksdorp Midweek, Klerksdorp - Dit is November, dit is die feestyd en partytjietyd. Daarom bied Flamwood Walk ‘n opelugkonsert aan op Vrydag 17 November. En die beste van alles is, dit is gratis. Jay en Lianie May is die hoofkunstenaars en almal is welkom om saam te kom kuier.
Bring net jou eie kampstoel saam. Al die vermaak begin om 18:00 en voor die konsert is ‘n Noot-vir-Noot speletjie wat vir hope pret gaan sorg.
Gelukbringers gaan lekker pryse uitdeel en families word aangemoedig om saam te kom kuier. Die sentrum sal sowat 50 stalletjies hê om by te snuffel en koop. Oud en jonk is welkom.
