BRITS POS – HARTBEESPOORT - Die ANC-beheerde Madibeng-plaaslike munisipaliteit (Brits, Hartbeespoort en Mooinooi), het areas in Hartbeespoort begin ontbos op aandrang van die VF Plus.
“Hierdie optrede volg nadat tientalle meter kragkabels die afgelope ses weke in Hartbeespoort uitgegrawe is in gebiede waar die ruigtes die optrede van die kabeldiewe verberg,” vertel Gullaume Clouston, VF+-raadslid, Hartbeespoort.

BRITS POS – BRITS – ‘n Groot tragedie het die inwoners van Purple Moss-nedersetting in Zandfontein Sondag, 29 Oktober, omstreeks 21:00 getref, nadat vyf aangrensende baksteenwooneenhede aan die brand geraak en ‘n hele gesin van vyf in die vlammehel verswelg het.
Die gesin is JP Bingham (pa), Esmé Labotske (ma) en hulle drie kinders, Benjamin (8), ‘n gr.1-leerling van Laerskool De Kroon, Mianique (3) en Luane (2). Oupa Bossie Labotske, ook ‘n inwoner, wat in ‘n rolstoel is, moes hulpeloos toekyk hoe sy kleindogter, Esmé en sy drie agterkleinders nie gered kon word nie.

Sally Bronkhorst (13), ‘n gr.8-leerling van Brits Hoërskool en dansstudent van GGDS Dance Studio in Hartbeespoort, het uitstekend tydens die American Dance Awards presteer.
Dié geleentheid is van 2 tot 7 Oktober in Centurion gehou.

Sally het in twee dans afdelings, Hip-hop- en Kontemporêr, deelgeneem en haar Suid-Afrikaanse kleure verwerf.

BRITS POS – BRITS -Wat ‘n voorreg en eer is dit nie om te kan sien hoe jou dorp eenhonderd jaar van sy bestaan vier nie. 
Op 23 Oktober 1923 is Brits as ’n dorp verklaar. Die Federasie van Afrikaanse Kultuurvereniginge (FAK) se kultuurnetwerk, Koersvas Voortrekkerkommando, die VLU- Britstak, inwoners en oud-inwoners van Brits en die hoof en leerkragte van Laerskool Brits was daar om die Eeufeesomonument Saterdag, 21 Oktober op die skoolterrein te onthul.