Die Artscape Innovation Lounge het onlangs geleef met opgewondenheid toe Never-Bee-Afraid (NBA), ‘n rapgroep van Onseepkans, die bekendstelling van hul debuutalbum gevier het!
Die geleentheid is deur die talentvolle Jits-vinger aangebied, wat ‘n unieke aanraking aan ‘n onvergeetlike aand verleen het.
NBA, wat in 2022 gevorm is uit ‘n gedeelde passie vir musiek en kreatiewe uitdrukking, versprei ‘n boodskap van hoop aan hul gemeenskap en luisteraars.
Die groep rymkletsers bestaan uit die tweelingbroers Ronaldo en Rivaldo Jaar (20) en hul neef Reegan Olyn (23), wat van kleintyd af saam dans.
Reegan, ook bekend as “20wayne”, het op die ouderdom van 20 begin musiek skryf nadat hy erkenning gekry het as ‘n danser in die groep Young Blood.
Sy neefs, Rivaldo “Kangsta” en Ronaldo “Ghost,” het by hom aangesluit en hul musikale reis begin op net 15 jaar oud.
“Dans was ons manier om onsself uit te druk en te ontsnap,” het NBA gedeel. Van hul eerste optrede in die Melkbosrand-gemeenskapsaal in 2015 tot hul skooldae by Hoërskool Boesmanland, het hul passie gegroei tot ‘n dinamiese musikale reis wat deur hul woorde en ritme geïnspireer word.
Die drie rymkletsers is geen vreemdelinge vir die Gemsbok nie.
Op 11 November 2022 het NBA in die Gemsbok verskyn vir die liedjie “Dankie”, wat hulle geskryf het vir en gebruik is by die opedag van die Onseepkans roesyneplaas Osk DevCo, ook bekend as Elmboog Organiese Boerdery.
‘n Tweede artikel het in Gemsbok koe-rant verskyn vir die slypskool saam met Blue Sky, skrywer Anzil Kulsen, en Kaapse kletsrymer Jitsvinger. Dit is hier waar Jits-vinger sy kennis en ondersteuning aan die groep verleen het - wat dan aanleiding gegee het tot hulle eerste ‘regte’ musiek-album.
Die groep se eerste optrede was op 25 November 2023 by Aggeneysfees, waarna hulle naam verander is na Never-Bee-Afraid.
Op 1 Januarie 2025 is die groep se EP, “Is’ie Meer Safe’ie”, op Bandcamp vrygestel.
Lees gerus meer oor hierdie inspirerende jongmans op die Gemsbok se Facebookblad.
