Klerksdorp Rekord, Klerksdorp - Die bekroonde skrywer An-Mari do Carmo het die afgelope naweek haar tweede boek, Foto’s en Fairy lights in Klerksdorp bekendgestel.
Net soos haar eerste boek, Toe als Groen was, het sy inspirasie vir die boek uit haar grootwordlewe geput. Die boek is ook op die mark vir tieners/jong volwassenes gerig. Dit gaan oor grootword, tieners, toekomsbesluite en eerste liefde en beloof ‘n lekker lees-ervaring.
Do Carmo is ‘n senior redakteur: Kinder- en Jeugboeke by Lapa Uitgewers en voorspel nog heelwat boeke uit haar pen. Foto’s en Fairy lights word uitgegee deur NB Uitgewers. Sowat 50 gaste het op Saterdag 3 Augustus die boekbekendstelling by Shack to Sanctuary bygewoon.
Sunél Combrink, skrywer van Sneller, het met haar gesels.
