Polisievoertuie op die toneel waar die lyk van ‘n onbekende man in die Vaalrivier gevind is. Volgens adj-off Elize van Schalkwyk, polisiewoordvoerder, is die polisie omstreeks 15:30 op Vrydag 3 November ontbied nadat ‘n drywende liggaam in die Vaalrivier gesien is. Dit was sowat 100 m stroom-af van die Boating Club opgemerk. Kapt Brent Browning en A/O Fred Leach is ingespan om die lyk uit te duik. “Dit is ‘n groot geboude swartman, tussen 30 en 50 jaar oud. Die liggaam was reeds in ‘n gevorderde toestand van ontbinding,” sê sy. Hy is ten volle geklee met geen opmerklike beserings nie. Teen druktyd is ‘n lykskouing nog nie gedoen nie. Die liggaam is tans in die plaaslike lykshuis. Foto: Verskaf.
