Klerksdorp Rekord, Klerksdorp - Met die skoolvakansie op hande, geniet laerskole die blaaskans.
Laerskool Meiringspark se wintersportspanne was omtrent besig met vier van die rugbyspanne in uitspele vir die Kosh-liga.
Die netbalspanne het ook hul kant gebring met twee spanne wat as ligawenners uit die stryd tree.
Die o/9 A-rugbyspan wen die liga terwyl die o/11B, tweedespan en eerstespan die naaswenners in die liga is. Die skool lewer ook ‘n mooi getal o/12 en o/13 Luiperdspelers op.
Heelwat van die o/11, o/12 en o/13 spelers gaan die vakansie aan verskeie toernooie deelneem.
Die skool se o/11 A-netbalspan is as distrikwenners aangewys met die eerste netbalspan as naaswenners. Die o/12 en o/11B-spanne wen die liga met die o/10 B-spanne as naaswenners.
