Klerksdorp Rekord, Klerksdorp - Hoërskool Schoonspruit se debat leerlinge het vroeër vandeesmaand aan die provinsiale ronde van die Con Spirito Debatkompetisie deelgeneem.
Vanjaar is die eerste keer wat Schoonspruit as gasheerskool opgetree het. Agt skole het deelgeneem. Drie Schoonspruit-spanne het deelgeneem (elke span bestaan uit twee lede).
Luhan Erwee en Danika Mocke, die senior span, behaal 74% en Soné Pieterse en Bea-Mari Ackerman behaal 71% en wen ook hul debat.
Die juniors vaar ook puik met Johandré Ackerman en Claire van der Watt wat 67% behaal vir hul eerste kompetisie.
