Klerksdorp Rekord, Klerksdorp - Laerskoolatlete wat verlede week aan die SA kampioenskap deelgeneem het, het uitstekend gevaar. Sewe atlete is as SA kampioene in agt items aangewys.
Laerskool La Hoff se blinkoog blondekop, Imke Swanepoel (o11) het twee goue medaljes gewen. Sy het in die 80m, 100m, 75mH en aflos deelgeneem.
Die beste prestasie van die byeenkoms behoort egter aan Saamtrekker Alto Wiggett wat ‘n nuwe SA rekord in spiesgooi gegooi het. (lees berig hiernaas). Hy het ook die Victor Ludorum trofee vir velditems gekry.
Saamtrek spog met 10 NW kampioene in hul midde, en nou ook vyf SA kampioene. Nélike van der Berg spog met goud in spiesgooi, Ryan Beets (o11) kry goud in gewigstoot, Lilika Fourie (o10) vewerf goud in die 1200m en Rogan Roos (o10) verwerf goud in verspring.
‘n Atleet van Laerskool La Hoff om dop te hou, is SW Liebenberg wat die SA kampioen in hoogspring vir seuns o12 is.
Nog goeie resultate was Declynne da Silva (o13) en Zanelle Karsten (o10) wat albei silwer in hoogspring gewen het en Wian Oberholster (o11) met brons in hoogspring.
