Klerksdorp Rekord, Klerksdorp - Noordwes Rolbal se seisoen is in volle gang en die eerste kompetisie is pas afgehandel.
Tydens die veterane gemengde pare kompetisie het 32 spanne mekaar die stryd aangesê wat oor twee dae plaasgevind het.
Potchefstroom Rolbalklub het koning gekraai met Gerrit Janse van Rensburg en Baybee Mojanga, wat wegstap met die goue medalje nadat hulle Klerksdorp Rolbalklub se Piet Stander en Thelma Liversage ore aangesit het in die finaal.
Bronsmedaljes het gegaan aan Dries de Jager en Lazuya Serfontein van Parys en die span van Klerksdorp, Piet Croucamp en Dalene Peens.
