NOORDWESTER – LICHTENBURG – Sosialemediaplatforms stuur bedrieglike advertensies wat beweer dat hulle goedkoop elektrisiteit verkoop. Kliënte word mislei en dit kan groot reperkussies hê.
Die skelm teiken hoofsaaklik voorafbetaalde elektrisiteit vir munisipaliteite en Eskom en lok slagoffers met oënskynlik aantreklike aanbiedinge soos 600 eenhede vir R300.00 en 2000 eenhede vir R400.00.
Wat hierdie skelms onderskei, is die slinkse gebruik van alternatiewe betaalmetodes.
Hulle vermy gewone bankbesonderhede en kies eerder vir geldmark-, e-beursie- of CashSend-betalings. Geen depositobetalings kan gemaak word nie. Die betalings maak dit feitlik onmoontlik om op te spoor. Om kliënte verder te mislei, bied hulle 20-syfer herlaainommers met die laaste drie syfers wat opsetlik verduister is. Slagoffers word verseker dat hierdie syfers eers by ontvangs van betaling bekend gemaak sal word. Moet dit nie doen nie, want die oomblik wat jy geld oorbetaal, trek hulle die geld en verdwyn.
Kliënte word aangeraai om slegs by wettige, geregistreerde verkoopspunte elektrisiteit te koop. Insluitend banke, kleinhandelwinkels, slimfone, internetplatforms en kitsbanke.
