NOORDWESTER - LICHTENBURG - Tydens BCVO se glansgeleentheid vir Matrikulante 2025 het Rita Goosen van CVO Skool Lichtenburg die volgende toekennings ontvang: hoogste persentasie in Engels, Rekenaartoepassingstegnologie, Lewenswetenskap, Wiskunde en Fisiese Wetenskap.
Sy is ook aangewys as die beste presteerder in Afrikaans, asook die dogter wat die hoogste persentasie in Afrikaans behaal het.
Suid-Afrika se Henk Lategan by Dakar
NOORDWESTER – LICHTENBURG - Henk Lategan van Suid-Afrika vaar sover goed by die 2026 Dakar wat plaasvind in Yanbu, Saodie- Arabië. Lategan het op 15 aan sy eerste motorwedren-streeksbyeenkoms deelgeneem as medebestuurder vir sy pa Hein. Minder as ‘n dekade later het hy die jongste bestuurder geword om die Suid-Afrikaanse veldrenkampioenskap te wen. Sy loopbaan het hom ook gelei om sy held, Sébastien Loeb, by die Monte Carlo-tydren te ontmoet.
Molopo Praktiese Pistool Skietklub Lichtenburg
Tydens die jaarlikse afsluiting en prysuitdeling het lede van Molopo se pistoolklub toekennings ontvang.
Die toekennings is oorhandig deur die skietklub se voorsitter, Hennie Schlebusch. Baie geluk skuts.
Pret rolbalaand vir Najaarsrus
NOORDWESTER- LICHTENBURG - Coligny Sportklub het ‘n heerlike en gesellige rolbalaand aangebied ten bate van Najaarsrus Coligny.
Baie dankie aan die donateurs en ondersteuners wat Najaarsrus getrou bystaan. Die bestuur waardeer elke een.
Liggies in Noordwes-Noord Atletiekspan
Wihanru Aspeling, Luzanne Botha en Jessika Seymore van Laerskool Lichtenburg is ingesluit in die Noordwes-Noord atletiekspan wat op 5 en 6 Desember aan ASA se junior jeugkampioenskappe in Potchefstroom gaan deelneem.
More Articles …
