Verskeie gelukbringers van Upington se skole en organisasies het ook deelgeneem.  Die Hoërskool Upington se Rocky die Tier het die ander gelukbringers in sy stof laat stik. Klitsie Kampus se kleuters spog met die geesbeker vir 2024. 
By hulle is beoordelaars, Len en Elmanda Fourie, asook  organiseerder, Lana vd Westhuizen. “Ons is so dankbaar teenoor al die skole wat deelgeneem het, die plaaslike sakelui en organisasies wat ons ondersteun het, maar veral ook aan die Hoërskool Duineveld vir die beskikbaarstelling van hulle sportveld en geriewe” sê Lana.

GEMSBOK-UPINGTON: Onder leiding van mnr. Raymond Esterhuizen, het Upington Kampus hierdie jaar, hul eerste Landloop-span gestig. Hierdie studente het aan verskeie liga geleenthede in die plaaslike omgewing deelgeneem om hul potensiaal op so ‘n wyse te bevorder. 
Sewe studente het gekwalifiseer om die Noordwes-Kaap Atletiek span te verteenwoordig by Atletiek Suid-Afrika (ASA) se Nasionale Landloop Kampioenskap. Bekende atleet, mnr. Ruben Ramolefi, het onskatbare waarde as afrigter toegevoeg deur hierdie atlete sterk en fiks te kry in aanloop tot die kompetisie. 
Hierdie geleentheid het plaasgevind op Saterdag, 7 September 2024, te Vanderbijlpark in Gauteng.

Meer as 4200 van Suid-Afrika se top landloop atlete het teen mekaar meegeding. Die studente het in hul onderskeie ouderdomskategorieë, ‘n 4km roete aangedurf wat hoogs tegnies was met vele uitdagings. Alhoewel geen medaljes deur ons verower was nie, het die studente die geleentheid gehad om hul eie tye in voltooiing van so ‘n wedloop, te verbeter. 
Dit was vir die kollege se atlete ‘n ongelooflike leerskool en het hul gemotiveer om in komende geleenthede met nog meer toewyding en ervaring, deel te neem. Verskeie personeellede van Upington Kampus was ook amptelik betrokke by die geleentheid. Mnr. Edwin Sago en me. Rachelle Galloway het opgetree as spanbestuurders van die Noordwes-Kaap Atletiekspan en mnr. Shandrey Mienies as tegniese beampte op die baan. 

Mia Fourie van Upington Western Mounted Games, is die eerste Noord Kaap ruiter wat haar nasionale (Protea) klere verwerf as lid van die 
eerste gekose Western Mounted Games Protea Span.

Voorwaar n trotse oomblik vir Mia, haar familie, Upington Western Mounted Games Klub en Noord Kaap Provinsie. Die eerste gekose Western Mounted Games span gaan die week van 23 - 27 September 2024 tydens die Nasionale byeenkoms teen die nasionale spanne van Zimbabwe en  Botswana deelneem. Die Nasionale byeenkoms word weer hierdie jaar by Afridome gehou  waartydens 650 plus ruiter/perd kombinasie van nege provinsies vir die week teen mekaar meeding.

Upington Karate Akademie het tydens hul Nasionale Karate Kampioenskap in Durban baie goed gevaar. Hulle staan vlnr: TJ Malan (brons in Kata & silwer in Kumite), Meagan Malan (2 jaar), Danielle Malan (5 jaar - goud in Kata & goud in Kumite), Eathan Present (goud in Kata), Mzwandile Bacela, Devano 
Bezuidenhoudt, Jamin Titus (brons in  Kumite), Kaylee-Ann Malan (goud in Kata & brons in Kumite), Elijah Titus (brons in Kata), Zachary Olyn (goud in Kata & goud in Kumite), Sensei DT Malan (afrigter), Shaquel van Schalkwyk (goud in Kata & goud in  Kumite), en Luciano Plaaitjies (goud in Kata & brons in Kumite).  Enige belangstellendes kan Sensei Malan skakel by 0636554922 vir meer inligting.

In a thrilling day of soccer, the Seodin Primary  U/12 match against Maikaelelo ended in a 2-2 draw, with both teams showcasing impressive skill and determination. The U/14 squad, however, faced a tougher challenge and narrowly lost 1-0 in a hard-fought battle. Despite the close results, the games highlighted the teams’ resilience and potential for future success.

Ten spyte van sterk en onsmaaklike  Augustuswinde die afgelope naweek, het Op die Voorpos weer hulle  jaarlikse hokkiedag suksesvol aangebied. Skole van regoor die distrik en selfs sover as Schweizer Reneke het aan die gewilde dag deelgeneem.
Voories se hokkie uitslae is as volg:
0/11 Meisies
ODV A 1 - 0 Oranje Suid
ODV A 0 - 2 Curro Kathu
ODV B 1 - 1 Keidebees 
ODV B 1 - 0 Keimoes Akademie B
LON B 7- 0 ODV B

As deel van sy 50ste bestaansjaar het die Laerskool Simbruner nege skole uitgenooi wat die afgelope 
Saterdag ‘n sportdag van vele hoogtepunte saam met hulle geniet het. Die skole wat deelgeneem het was 
Keidebees, Lukhanyiso, Vooruitsig, Westerkim, 
Franciscus, Louisevale, Cornelius Jansen 
en Rosendal.

As deel van sy 50ste bestaansjaar het die Laerskool Simbruner nege skole uitgenooi wat die afgelope 
Saterdag ‘n sportdag van vele hoogtepunte saam met hulle geniet het. Die skole wat deelgeneem het was 
Keidebees, Lukhanyiso, Vooruitsig, Westerkim, 
Franciscus, Louisevale, Cornelius Jansen 
en Rosendal.

Wat ‘n meëdoenlose eindstryd om die ZFM-Ligatrofee was dit nie Saterdag tussen Upington Dorp en Kakamas op die Hoërskool Martin Oosthuizen-Stadion. 
Met rustyd was die telling gelykop met 10 elk. Talle beserings was aan die orde van die dag en elke span het ‘n geelkaart gekry vir ontoelaatbare spel. 
Dorp was diep in tweede helfte voor met 20-10 en dit het op daardie stadium gelyk asof hulle die taai kragmeting sou wen. 
Maar Kakamas het nooit gaan lê nie. In die doodsnikke van die wedstryd het die tuisspan se losskakel Danie Koortzen met ‘n netjiese skepskop die telling gelykop gemaak (20-20). 

13 Senior- dansers van Karine Stolper School Of Dance het deelgeneem aan ‘n dans kompetisie, On the Stage, in Kaapstad. 
Hierdie kompetisie word jaarliks in Kaapstad,Gauteng en Kwazulu-Natal aangebied. Hierdie groep meisies wat ook leerders van Hoërskool Upington en Hoërskool Duineveld is het die Noord-Kaap met trots verteenwoordig en hulle het uitstekend presteer.
Al hul items kwalifiseer vir ‘n item medalje en as ‘n span wen hul die ‘Stage Award’ vir die beste Hip Hop Crew.

Sewe leerders van Laerskool Seodin het deelgeneem aan die Sishen Junior Ope. Hulle het baie goed gevaar in hulle verskeie ouderdoms- groepe.  Xander Steyn het 1ste plek behaal in die 0/11 ouderdoms- groep en Elzé Steyn het 1ste plek behaal in die vroue afdeling.
Die ander deelnemers was: 
Graad 1: Damian Knoetzen
Graad 3: Zian Knoetzen
Graad 5: Chris Coetzee 
Juan Pierre Fourie 
Hayman Sakoor 
Xander Steyn 
Graad 6: Elzé Steyn

Die Laerskool Seodin van Kuruman se 0/13-krieketspan het die elftal van Op die Voorpos op Nasionale Vrouedag met vyf paaltjies gewen. 
Die tuisspan het eerste gekolf en danksy ‘n skitterende 61 van 79 balle deur Jandré Botha kon hulle ‘n skaflike 218 almal uit aanteken. 
Zachary Minnaar van Seodin was hul beste bouler met syfers van 4/57. 
Die besoekers het geduldig maar tog met uitstekende kolfwerk die teiken met 219 vir die verlies van vyf paaltjies bereik. 
Hiervan was Strauss van Heerden (79*) en Ruben Mare (23*) in ‘n goeie vennootskap betrokke met 81 van 88 balle. 
Voories se draaibalbouler Christiaan Pienaar het met sy bedrieglike variasies 2/39 laat spat. 
Die wedstryd is in ‘n pragtige sportmangees gespeel en die jong latte het elke oomblik van hierdie aanskoulike wedstryd geniet.