Verlede week het die eerste krieketspan van Hoërskool Kalahari aan die JARU Sport Akademie se winterweek vir 0/19 spanne deelgeneem.
Kalahari begin die toernooi met heelwat nuwe gesigte in die Arende-span.
Op dag een het Kalahari Hoërskool Wonderboom met 13 lopies geklop.
Leander Smit het goed gekolf met 49 lopies van 73 balle en Yden Agenbag het 5/37 in 9.4 boulbeurte geneem om hom die man van die wedstryd-toekenning te wen.

GEMSBOK-UPINGTON: Die APD Benede Oranje het Saterdag ‘n baie geslaagde Rolstoel Rugbytoernooi by die Kalahari Mall gehou.
Dit was deel van die feesvieringe van APD se 30ste bestaansjaar. Baie ondersteuners en stalletjies langs die bane het die oggend ‘n feestelike geleentheid gemaak.
Agtien (18) spanne uit die dorp het ingeskryf vir die kompetisie. Vanaf Saterdagoggend 09:00 het die spanne dit uitgespook teen mekaar. Die span wat met die trofee weggestap het, was De Jonge Fisios.
Eers het die Mustangs Rolstoelrugbyspan van Bloemfontein ‘n demonstrasie-wedstryd teen mekaar gespeel en die reëls van die spel aan almal verduidelik. Die Rotariërs het kom hand bysit en van hul lede het gedien as skeidsregters

DOUGLAS: In die stowwerige strate van Douglas, waar die son sy warmte oor die Noord-Kaapse dorp laat straal, het ‘n besondere ster aan die sporthemel opgekom.
 Sy naam is Zane Naymar Lefuthane, ‘n tienjarige seun met ‘n passie vir sport en ‘n onblusbare vuur in sy oë.
Zane, wat van kleins af sporttalent toon, is tans ‘n Graad 5 leerder by Hoërskool Douglas. 
Terwyl hy ‘n Graad 3 leerder was, is hy voorgestel aan ‘n privaatafrigter wat hom assesseer het en in ‘n proefafrigtingstydperk vir daardie jaar geplaas het. 
Dieselfde afrigter het toestemming by Zane se ouers gevra om hom aan sy eerste groot kompetisie in Bloemfontein voor te stel. 
Op diè jonge ouderdom het Zane die top 10 behaal vir beide 60m en 80m. 
Hy is ook as deel van die Noordkaap-span gekies, maar kon nie die uitnodiging aanvaar nie aangesien hy nie in besit was van ‘n permanente ASA-nommer nie. 
Dit was net die begin van die kaalvoet baanbreker se reis.
Zane is baie aktief en is lief vir sport. 
Hy breek sedertdien eeue oue rekords en is sedert sy eerste kompetisie in Bloemfontein elke jaar gekies om sy provinsie te verteenwoordig. 
Hy is nie net ‘n opkomende baanatleet nie, maar toon potensiaal op die rugbyveld en verteenwoordig ook sy provinsie in tennis. 
Hy doen altyd sy beste in elke posisie. 
Zane se ouers Shantelle en Bruce is twee trotse ouers wat alles in hulle vermoë doen om vir Zane die ondersteuning te gee wat hy benodig. 
Hierdie positiewe ondersteuning maak ook ‘n impak in Zane se groei. 
Albei ouers was ook atlete in hul skooljare. Shantelle het 200m, 100m, 80m, verspring gedoen en sy het met die atletiek die skool op distrikvlak verteenwoordig. 
Sy speel nog steeds volleyball vir’n span by die SAPD. Bruce het 200m, 100m, 80m gedoen en sokker gespeel. 
Hy het die skool op provinsiale vlak verteenwoordig. Waar hulle as ouers gestop het by die atletiek, dit gaan Zane mee voortbeweeg. 
“Hy doen altyd sy beste en ons is baie trots op hom, ongeag sy prestasies. 
Zane is nog baie jonk maar dis ‘n groot moontlikheid dat dit sy droom is...soos enige sportsman om eendag sy land, op die baan, tennisbaan of op die veld te verteenwoordig,” noem Zane se ma, Shantelle.
By die Kleure Atletiek 2024 wat 19 jaar lank staan, het Zane die 80m rekord gebreek.

Met die 2024 ABC Motsepe Liga se nasionale uitspeelrondtes wat die week op Upington plaasvind, is die hele provinsie se oë en hoop vasgenael op die NC Professionals, om die gesogte titel in die provinsie te hou.
Uitspeel wedstryde het reeds Dinsdag begin, met drie titaniese spanne wat in die C groep meeding. (Uitslae was ter perse nog nie beskikbaar nie).
Die gasheer NC Professionals (NC), die Wes-Kaapse kampioen FN Rangers (WK) en die Vrystaatse kampioen Mangaung Unite kom met ‘n skoon rekord in die uitspeelrondtes aan, aangesien hulle hierdie seisoen onoorwonne was in hul onderskeie ligas.
 Die ABC Motsepe-liga se nasionale uitspeelwedstryde word van 17 – 23 Junie 2024 by die Mxolisi Dicky Jacobs-stadion in Upington gehou.
NC Professionals FC is reeds gekroon as die Noord-Kaap ABC Motsepe Liga kampioene. 

Die Laerskool Seodin gimnaste van Kuruman Gimnastiek Klub  het aan verskeie kompetisies die jaar deelgeneem en het die eer ontvang om deel te wees van die Provinsiale span, wat die Noord-Kaap gaan verteenwoordig in die Durban Zone Kompetisie, wat die 14de en 15de Junie in Pinetown sal plaasvind. 
Meisies Level 1’s:
Kaylee Steenberg-Goud
Bothale Dithebe-Goud
Mianette Roodman-Silwer
Nerize Smit-Goud

Die Laerskool Oranje-Noord  se o/11A-rugbyspan  is die wenners van die Van Druten Liga wat die afgelope naweek op Kathu gespeel is.  LON sê hulle  is baie trots op elke speler in die span. Julle is ysters! Die afrigters deel graag die volgende boodskap:
”Ons kyk dankbaar terug op ‘n lang seisoen vol genade en seën maar ook taai tye en harde lesse wat die span en afrigters moes leer. Elke keer is daar opgestaan en hard gewerk.
Baie dankie vir elke speler wat in die seisoen betrokke was by die span. Dalk nie in die finaal nie, maar op die toer na Stellenbosch, ‘n sportdag of liga-wedstryd, die trofee is vir julle ook! Dankie vir elke ouer se ondersteuning tydens ‘n lang seisoen met baie kilometers, kostes en motivering.
Dankie ook vir LON! Dankie vir ons Hemelse Vader vir sy beskerming die seisoen.”

United Rugbyklub het Saterdag hier op die Eilandveld sy spiere gebult- toe hy die besoekende Nababeep met 59-24 met die kous oor die kop huis toe gestuur het. 
Die tuisspan was rustyd gerieflik voor met 28-17. 
United het sy beste vertoning tot dusver in die ZFM-liga gelewer en was duidelik in ‘n omgekrapte bui teen die moedige besoekers van Namakwaland. 
Nababeep het nooit gaan lê nie en het by tye United ook harde bene laat kou in ‘n wedstryd wat talle opwindende oomblikke opgelewer het. United se heelagter Keenan Wentzel, wat ‘n skitterende wedstryd gehad het, het 19 punte met ‘n drie en sewe doelskoppe behaal. 
Die wenspan het nege drieë gedruk teenoor Nababeep se drie drieë. Curtly Davids, losskakel van United het sy agterlyn flink weggestuur en hy was een van die driedrukkers in sy span. Vir Nababeep het Byron Saal (binne- senter), Lurick Magerman (losskakel) en die heelagter Bradley Saal puik spel gelewer. 

Upington Dorp het verlede Saterdag die Sunwolves letterlik op die Eiland-rugbyveld gestoomrol om met 71-3 te wen. 
Dorp het met 11 drieë sy teenstanders platgevee en kon daarin slaag om dié keer sy doellyn met goeie verdediging skoon te hou. 
Sunwolves se verdediging het hul lelik in die steek gelaat en hulle moes deurentyd bontstaan om al die gate toe te stop. 
Dorp se voorspelers het die grondslag gelê vir hul weghol-sege en sy agterlyn kon toe baljaar met die hope goeie balbesit. 
* Dorp se drieë is gedruk deur Lian Liebenberg (4), Ruben Louw, Darren Titus, Altus van der Merwe, John Neser, Crynauw Day, Drikus Burger en Henko Burger. Darren Titus (3) en Johandre Terblanche (5) het met die doelskoppe geslaag. Sunwolves se agsteman Luciano Anthony het ‘n strafskop oorgeklits

Die NGO “Change Through Sport” het uitstekend gevaar tydens ‘n onlangse plaaslike karate kampioenskap. 
Die CTS-karatekas het hierdie kampioenskap gebruik ter voorbereiding vir die Nasionale Karate Kampioenskappe later vanjaar in Durban. 
Enige belangstellende persoon kan Shihan Beukes kontak by 073 994 6338 vir verdere inligting.

Kathu Perdeklub held a Freestyle Dressage Championship last weekend .
Riders from Kathu, Potsmansburg, as well as Deben en Augrabies attended. 
The Riders competed in Prelim to Medium classes, and we saw some good quality horses and sport .
The Northern Cape Dressage Sport can be really proud of the riders and horses they produce. 
Kathu Perdeklub organised a good show with Carla Jacobs and Laura Kotze (all the way from the Western Cape) as judges.
Adult,  Junior, and Children Riders could test and show off their abilities.

Op Vrydag 17 en Saterdag 18 Mei 2024 het NK skole netbal   Provinsiale uitspele vanaf O/12 - O/19 plaasgevind
Die geleentheid het by HS Duineveld O/19, Laerskool Oranje Noord O/17 , Laerskool op die Voorpos en HS Upington plaasgevind. 
Kookwater netbal is gespeel. Goeie kompetisie gees het geheers met ‘n lag hier en ‘n traan wat so nou en dan weggepak was. 
Die speelsters het hulself oortref deur nael-skraap oorwinnings tot by ‘n sudden death in van die wedstryde.  

Hoërskool Upington  se skietspan het die naweek aan die 4de Liga by HS Kalahari deelgeneem.  
Die uitslae was soos volg:
0/14 Veer:
 1. 3P - Jade Snyders
 2. 3P - Crudan Humphreys
 3. 3P - Clariza Swart
 1. Staan - Jade Snyders
 2. Staan - Crudan Humphreys
0/16 Veer:
 1. 3P en Staan - Johan Serfontein
0/16 Sporter:
 2. Staan - Annika Greyvenstein
 1. 3P - Annika Greyvenstein
0/21 Sporter:
 3. 3P - Durin Smith
 2. Staan -  Durin Smith
0/14 Pistool:
 2. Nelmari Maass
0/21 Pistool:
 2. Matthew Wessels
0/21 Rapid Fire:
 2. Matthew Wessels
0/21 Veer:
 2. 3P - Jascha Scheepers
 2. Staan - Jascha Scheepers