Die NC Pro’s sokkerspan van Kathu - wat die pas afgelope Paasnaweek se groot uitdaagsokkertoernooi by die Dicky Jacobs-sokkerstadion gewen het. Hier is die besoekers met hul reserwes wat Upington se Tornado sokkerklub met 4-2 geklop met. Die toernooi het op Goeie Vrydag begin en Paas Maandagaand geëindig. 
(Foto: Nick Pretorius)

 47 Skole/junior klubs, 278 spanne, 1237 atlete en 142 afrigters -so het vanjaar se SA Junior Toutrek Kampioenskappe  gelyk. 
Postmasburg se Gemsbokkies toutrekklub het saam met Suid-Afrikas se top toutrekspanne aan hierdie uitmergelende, maar opwindende kompetisie deelgeneem en die kinders moes hard werk om hulle plekke in die top 7 te behaal.
Hierdie was die Gemsbokkies se eerste SA’s en hulle het baie spanne laat sweet!

Die Hoërskool Upington se skuts het weereens kolskoot geskiet by die Noord-Kaap Liga 2 by Oranje Noord. So lyk hulle uitslae:
o/14 Veergeweer :
Carla Hanekom : 2 x goud
o/16 Veergeweer :
Johan Serfontein : 2 x goud
Erns Mostert : 2 x silwer
o/21 Veergeweer :
Jascha Scheepers brons in 10m staan

Met die rugbyseisoen reeds in volle swang het die Kalahari-krieketspelers die afsluiting van die JTG Krieketseisoen in styl afgerond en beide die o/16- en o/19-trofeë gewen.
Die Kalahari Gold-span het die o/16-trofee verdedig in die finaal wat op 15 Maart plaasgevind het. 
Weereens het die twee Kalahari o/16-spanne in die finale wedstryd gespeel wat die huidige sterkte van Kalahari-krieket in die JTG-liga bevestig.
Die Kalahari Eagles het die JTG o/19 30 Over-liga gewen deur Kathu met 9 paaltjies in die eindstryd te klop.

Na die onlangse Suid Afrikaanse Varswater  kampioenskappe by die Vaaldam het Zubair Parker van Groblershoop “vir die Groen Kalahari en Groblershoop ‘n goue medalje huis toe gebring”.  Zubair het die Vrystaat Cheetahs A-span verteenwoordig en met sy sak van  32 vis - het die span die goue medalje inkatrol. Zubair “Tier van die Oranjerivier” Parker vertel van sy ervaring:
Zubair sê hy het 2304 kilometer gery net vir visvang -  maar dit was die moeite werd.

Richianno Beukes, ‘n graad 10 leerder  by Hoërskool Kakamas, 
het deel geneem aan die ZFM streek atletiek byeenkoms. Hy het die 800m wedloop gewen en in die 
400m wedloop tweede geëindig.   
Hy het bevorder na die afgelope naweek se provinsiale byeenkoms, waar hy derde plek behaal het in 
die 800m wedloop.

 
 Quinton Opperman, ‘n 26 jarige Upingtoner is onlangs aange-stel as die  Vaardigheids / Kondisionering en Agterlyn afrigter vir die Novavit Griffons.
Quinton het aan die Duineveld Hoërskool  in 2016 matrikuleer,waar hy   vir die eerstespan - bekend as die “ WITTES “ - in 2015- 2016 uitgedraf het as losskakel. Hy het ook vir die Griekwa-skolespan uitgedraf.

Die Gemsbokkies Toutrekklub het onlangs hul stempel in die toutrek-wêreld afgedruk tydens ‘n byeenkoms op Landboudal - toe die Gemsbokkies  in al hulle afdelings eerste plek behaal het.
Die kragtige Gemsbokkies het bewys dat hulle  ‘n eenheid is wat saamwerk om sukses te behaal.
Saam het die toutrekkers ‘n baie indrukwekkende vertoning gelewer by ‘n byeenkoms waar altesaam 281 trekkers uit 12 skole en klubs was - wat in 89 spanne getrek het. 

Tydens die Noord-Kaapse proewe onlangs het Curro Kathu-leerders uitsonderlike resultate behaal:
Markus van Deventer - Hy het tweede gekom in die seuns 0/12 ouderdomsgroep. Uitstekende prestasie! Hy is gekies om Noord-Kaap by The Synergy Cup gedurende Maart in Kaapstad te verteenwoordig.
Tylo en Caria Swanepoel - Hulle het onderskeidelik 5de en 6de gekom in die dogters 0/13 ouderdomsgroep. Hulle is gekies om Noord-Kaap by die Synergy Cup gedurende Maart in Kaapstad te verteenwoordig.
Hierdie leerders het uitstekende resultate behaal en ons wens hulle sterkte toe vir The Synergy Cup.  

Verskeie skole het Saterdag deelgeneem aan die mini inter-hoërskole toernooi. Die.19-A hokkiespan van Uppies wat Saterdag deelgeneem het aan die mini-inter-hoërskole toernooi by Upington Hoërskool-sportvelde. Agter van links op ons foto verskyn die afrigter, Y. Botes, K. Louw, 
T. Lonte, T. Malan, T. Ludik, J. van Zyl, 
P. Kiwido, L. Bezuidenhout, F. Van Rooyen en H. Burger. Voor links B. Steyn, 
I. Venter, M. Lombard, G. de Gois,
 A. Peens, D. Pietersen en heel voor is die doelwagter J. Nortje. Uppies 3 - 0 Kalahari 0/19 A; Uppies 5 - 0 Kathu 0/19A. 
Foto: Nick Pretorius

GEMSBOK-UPINTON: Die Upington Rolbalklub het met die aanbreek van die nuwe rolbal seisoen reeds begin stempel afdruk in die Kalahari Subdistrik sowel as Noord-Kaap Rolbal.
Tydens die onlangse Kalahari Dames Enkels in Beeshoek, het Susan Leeuwner en Marietjie v/d Bergh onderskeidelik eerste en tweede geëindig. 
Beide het die naweek daarna Kalahari SD in Kimberley verteenwoordig teen die ander subdistrikte van Noord-Kaap. Marietjie het die klub se naam hoog gehou en ondanks sterk teenstand as algehele wenner uit die stryd getree as Noord-Kaap Dames Enkels Kampioen vir 2024.

UPINGTON: Sewe hoërskole ( Uppies, Carlton-Van Heerden, Duineveld, Saul Damon, AJ Fereirra, Paballelo en SC Kearns ) se jong belowende atlete het verlede Woensdag die stryd vir mekaar aangesè en daar was vele opwindende blink vertonings gelewer wat baie beloftes inhou vir die toekoms. Nick Pretorius het gaan inloer om vir ons lesers van hierdie skitter-atlete in beeld te toon.