Hoërskool Upington en Duineveld het die afgelope naweek weer die dekades-lange tradisie van die FNB Classic Clashes, oftewel Klein Interjol, met skouspelagtige sport voortgesit. Hier volg die uitslae:
RUGBY: Velties se Wittes wen 17-15 teen Uppies se 19A
Velties 19B wen 25-23 teen Uppies
Die 16A’s speel gelyk op 14-14
Velties 16B verloor 8-20 teen Uppies
Hoërskool Upington en Duineveld het die afgelope naweek weer die dekades-lange tradisie van die FNB Classic Clashes, oftewel Klein Interjol, met skouspelagtige sport voortgesit. Hier volg die uitslae:
Dogters Hokkie uitslae:
Velties se
GEMSBOKKIES wen 2-1 teen Hoërskool Upington 19A
Velties 19B wen 1-0 teen Uppies 19B
Velties se 16A wen 2-0 teen Uppies
Velties se
Stokstertjies (14A) wen 6-0 teen
Uppies
Willem Nortje, een van Upington se bekende perdemanne en sy Appaloosa-reun, At Last Asuul, het die afgelope naweek deelgeneem aan twee afsonderlike Tentpegging (Gymkhana) kompetisies in Bloemfontein.
Die eerste was Vrydag 3 Mei, ‘n Divisie toets waarin nege spanne teen mekaar deelgeneem het. Willem was een van vyf ruiters in die SA Meesters span en sy span het algeheel 4de geëindig.
Die tweede kompetiese was Saterdag 4 Mei, die jaarlikse Meesters Kampioenskappe. Daar het Willem algeheel eerste geëindig en hy is ook aangewys as, “Best Man at Arms”. Hy is verkies tot die Meesters-mansspan, asook die Meesters-meriete span. Willem en sy span het ook verskeie pryse gewen op die kampioenskap. Willem is saam met twee ander ruiters verkies om Suid-Afrika in Junie maand te verteenwoordig tydens die Bricks-spele in Rusland.
GEMSBOK-UPINGTON: Die Noord-Kaap Sierduifvereniging het onlangs hul streekskou gehou. Vertoners uit sewe provinsies het kom deelneem aan die skou wat bestaan het uit 45 rasse van die 35 vertoners. Altesaam 428 duiwe.
Hierdie jaar is daar ook ‘n Modena Prestige Skou, saam met die streekskou, aangebied.
GEMSBOK-UPINGTON: Die twee Martiz-broers, Gerhard en Johan Maritz, het onlangs aan wêreldklas kompetisies in Bloemfontein deelgeneem.
Hulle skiet al van jongs af. Gerhard en Johan Maritz het grootgeword op hul ouers se plaas (Broden), waar hulle as jong seuns al kennis gemaak het met gewere wanneer daar gejag word .
Hul ouers, Johan en Ina Maritz, het albei Protea kleure in Bisley Skiet, gevolglik wou hulle in dieselfde voetspore volg.
Pa Johan moes sorg dat hulle die regte toerusting kry en so was hulle in ‘n goeie leerproses.
In hul vroeër hoërskooljare het hulle reeds aan die jaarlikse SA Bisley Kampioenskappe op die De Wet Skietbaan buite Bloemfontein deelgeneem.
Kayla King, het verlede week aan die S A Saal-perd Nasionale Kampioenskappe in Bloemfontein deelgeneem. Sy het aan die 3-gang kinder ryperd onder 18jaar afdeling, met Legolas gery, onder afrigter Stephne Krugell. Kayla het ‘n welverdiende 3de plek op die Bloemskou verower en dit op ‘n wildvreemde perd. Voor dit, het sy maar nog net drie keer in die baan met Legolas geoefen - welgedaan.
Future Stars FC, het as jong klub al hul stempel afgedruk in liga wedstryde.
Die klub is amptelik in 2021 gestig en het in die O/17 Dawid Kruiper Ontwikkelingsliga deelgeneem.
In 2023 eindig die span tweede in die O/17 Ontwillelingsliga. Tans bestaan die klub uit ‘n O/13, O/15 en ‘n senior span, wat in die Super Promotional League deelneem.
GEMSBOK-UPINGTON: Saterdag, 27 April 2024. bied Noord-Kaap Sierduifvereniging hulle streekskou aan in Upington op die skougronde in die Max Minnaar saal.
Daar word 428 duiwe geskou deur 35 vertoners wat 45 rasse vertoon!. Daar is van die grootste rasse, Runts en Gross mondains, tot die kleinste ras, die Portugese tuimelaar! Verto-ners uit sewe provinsies kom neem deel aan die skou.
Hierdie jaar is die streek bevoorreg om ook die Modena Prestige Skou aan te bied saam met die streekskou. Daar word 89 Modena’s vertoon deur 9 Modena telers. Van die beste Modena’s in die land neem deel aan die skou. Dit is die ras met die meeste kleure, ‘n moet om te kom kyk.
Die Hoërskool Aggeneys het die afgelope naweek behoorlik die vloer gevee met Hoërskool Carlton-Van Heerden se o.19-rugbyspan
Carlton kon net nie al die gate toestop teen die swarttruie, wat die wedstryd met 53-10 gewen het nie.
Met rustyd was Aggeneys voor met 24-10 en in daardie stadium van die wedstryd het hulle teen ‘n sterk wind gespeel. Met die omdraaislag het hulle Carlton so te sê in ‘n stewige wurggreep gehad, waaruit die bloues net nie kon los kom nie.
Aggeneys se groot uitblinker was hul linkervleuel, Lorenzo Snyers, wat vyf keer oor die doellyn gaan kuier het.
Die wenspan se Johan Jannetjies (2), Loyiso Cloete en Nathan Mostert het die ander drieë gedruk.
Vir Carlton het Damian Oliphant, hul losskakel, goed vertoon. Emmanuel Beukes het Carlton se enigste drie gedruk en Oliphant het met die doel en strafdoel geslaag.
Kenhardt Hoërskool het Carlton-Van Heerden o.19 hier op ‘n pragtige grasoppervlakte van Rosendal se sportveld welverdiend met 24-7 geklop. Carlton het met ‘n lustelose vertoning vorendag gekom en het by tye goue geleenthede deur hul vingers laat glip. Daarteenoor het die besoekers hul kanse deeglik benut en was hulle op die dag se sel beslis die beter span. Kenhardt was rustyd voor met 7-0. Nà die omdraaislag het Kenhardt met mening die krane begin oopdraai en nog drie drieë gedruk. Kenhardt se groot uitblinker was Carl Esterhuizen (buite- senter) wat twee puik drieë vir sy span gedruk het. Carlton kon net antwoord met ‘n enkele drie deur sy slotvoorspeler Christiano Snyders wat man alleen sy hart uitgespeel het.
Janco Wandrag, ‘n graad 8 leerling van die Hoërskool Duineveld, het Saterdag 6 April aan ‘n “offroad” motorfiets “race” deelgeneem in Windsorton.
Janco was die jongste deelnemer in sy afdeling. Dit was ‘n nat en modderige baan maar ten spyte daarvan het Janco die beste tyd op die baan gery en as die algehele wenner
weggestap!
Die tweekamp kampioenskappe van 2024, wat op 29 en 30 Maart in Bloemfontein plaasgevind het, was die grootste byeenkoms in die 47-jarige geskiedenis van die glans geleentheid. Meer as 965 atlete het meegeding vir die titel van beste tweekamp-atleet in Suid-Afrika. Hierdie jaar was ‘n puik jaar vir die Griekwa span wat meer as 100 atlete gehad het wat in hierdie wonderlike gesinsport kompeteer het.
Gesinne het saam meegeding, wat een van die redes is waarom hierdie sport so gewild is.
Tannie Bossie Breedt (masters 70+) wat vierde geëindig het, het saam met haar kleinseun Phillip Riley deelgeneem, wat net weereens wys die sport bring families en mense saam op die baan.
