-
Kabeldiewe loop hul rieme styf
Klerksdorp Midweek, Klerksdorp - Inwoners van Adamayview, Flamwood, Wilkoppies en La Hoff het die afgelope langnaweek onbeplande kragonderbrekings gehad en wyksgroepe het gegons om die oorsaak vas te stel. Volgens DA-raadslid Gerhard Strydom, was kabeldiewe wat substasies vandaliseer baie aktief oor die naweek. Hulle is egter in die bek geruk.
-
Nampoweek byna hier
Klerksdorp Midweek, Bothaville - Vanjaar se NAMPO Oesdag, die 57ste aanbieding van die jaarlikse oesfees wat volgende week plaasvind, omhels die tema: “Globale Landbou, Plaaslik!” Die NAMPO Oesdag word jaarliks by NAMPO Park, Bothaville gehou, en bevestig steeds sy status as die grootste en invloedrykste landboupronkstuk in die suidelike halfrond. Getrou aan sy reputasie, is NAMPO 2025 gerat om die nuutste wêreldwye landbou-innovasies, aangepas vir plaaslike toestande, in ‘n unieke Suid-Afrikaanse konteks ten toon te stel. Dit bly die eenstopplatform vir produsente, landboubesighede en diensverskaffers om te verbind, saam te werk en handel te dryf.
Wat is nuut @ NAMPO 2025.
-
Wen dubbelkaartjie na Amira-vertoning
Klerksdorp Midweek, Klerksdorp - ‘n Gelukkige Midweek-leser kan Amira Willighagen se vertoning in Klerksdorp gratis bywoon. Dit is ‘n dubbel-
kaartjie en dit sluit die kaas-en wyn en wynveiling in. Die vertoning in die Hervormde Kerk Morester vind op Vrydag 9 Mei plaas. Sy is in Nederland
gebore en het haarself ingeskryf vir Holland’s Got Talent toe sy nege jaar
oud was. Sy is nou 21 jaar oud. Sy het haarself leer opera sing deur na YouTube-videos te kyk én het die beoordelaars verstom met haar talent. Dié Nederlandse nagtegaal het die kompetisie gewen.
