-
100MW Ilanga CSP1 binne 48 uur na stormskade weer in werking
GEMSBOK-KAROS: Skaars 48 uur nadat die, 100 MW gekonsentreerde sonkrag (CSP)-aanleg’, bekend as Karoshoek Solar One, deur ongewone sterk stormwinde verlede naweek redelike skade aan die infrastruktuur opgedoen het, het die aanleg weer kon aangaan met produksie.
“By die ontwikkeling van hernubare energiebates soos sonkrag- of windaanlegte is baie beplanning betrokke vanaf terreinkeuse en die uitvoer van gedetailleerde studies - insluitend weerstudies om te verseker dat die ontwerpe wat ingestel is, enige potensiële ongunstige weerpatrone soos stormwinde kan weerstaan, gebaseer op ’n historiese stel data en op terreinweermetings.
Sedert metings op die terrein met die aanvang van die ontwikkeling van die Ilanga CSP1-projek in 2009 begin het, is die windspoed wat op Saterdag 8 Maart 2025 aangeteken is, in een gelokaliseerde area van die aanleg die hoogste wat aangeteken is in 16 jaar sedert die ontwikkelaar die eerste keer weerstasies by die projekterrein geïnstalleer het” - so verduidelik Pancho Ndebele ‘n verteenwoordiger van die aanleg.
-
Impak van reënval op rosyne
GEMSBOK-UPINGTON: Die droogtoestande vir rosyne in die Benede-Oranjerivier-streek van Suid-Afrika is beïnvloed deur ongewone hoë reënval en humiditeit in Week 10 (3 - 8 Maart) van die kalenderjaar.
Daar is ongeveer sewe weke oor totdat die grootste deel van die rosyntjielewerings teen week 18 en 19 verwag word.
Weens die uitstekende voor-oesseisoen word oesontwikkeling met sowat twee weke vertraag. Só sê die hoof uitvoerende beampte van Raisins SA, mnr. Wessel Lemmer.
Hy gaan voort om te sê dat die amptelike oesskatting vir vanjaar 104 000 ton is. Afhangende van die produksiegebied en as gevolg van die ongelyke verspreiding van reënval deur die produksiestreek, verskil menings of die totale lewering van rosyne aan die einde van die oes aan die skatting van 104 000 ton sal voldoen.
-
ZFM Rampbestuur-adviesforum vergader om reënskade aan te spreek
GEMSBOK-UPINGTON: Die ZF Mgcawu Distriksmunisipaliteit het, in reaksie op die verwoestende stormsterkreën wat gemeenskappe binne die Dawid Kruiper Munisipaliteit en die Kai !Garib Munisipaliteit erg geraak het, verlede week ‘n reeks vergaderings van die Rampbestuur-adviesforum belê.
Hierdie Forum, bestaande uit sleutelstaats-departemente en plaaslike munisipaliteite, speel ‘n kritieke rol in die koördinering van rampge-reedheid, reaksie en herstelpogings regoor die distrik.
Hierdie verbintenisse het gedien as ‘n platform om die onmiddellike behoeftes van die geaffekteerde gemeenskappe te assesseer en om ‘n vinnige, doeltreffende en gekoördineerde regeringsreaksie te verseker.
‘n Omvattende plan van aksie is ontwikkel om die huidige krisis aan te spreek, met ‘n fokus op vinnige noodlenigingsmaatreëls, infrastruktuurrehabilitasie en langtermyn-rampveerkragtigheid.
