Verskeie leerders van Hoërskool Duineveld het die afgelope tyd aan die ATKV se Redenaars uitdunne deelgeneem. Van die leerders is op die Top Tien van die Noord-Kaap. Hulle gaan deur na die ATKV-finaal wat op 4 Augustus by die Goudini Spa gehou word.
In Afdeling Gr. 10-12 Huistaal Onvoorbereid: Annah-Jane Stolper 3de, Ina Andrianatos 1ste, André du Rand 4de en skoolhoof
dr. Rooies Andrianatos.
Primêre Skool Op die Voorpos vier 140 jaar!
GEMSBOK-UPINGTON: Ter viering van Op die Voorpos se 140ste bestaansjaar, hou Pick ‘n Pay ‘n Voedsel- en Wynfees op 25 en 26 Julie 2025.
Merk alreeds albei die datums op jou kalender af, want dít gaan voorwaar ń fees wees waar trots, tradisie en lekkerte bymekaarkom.Die fees word by Hoërskool Upington gehou, wat terloops volgende jaar 130 jaar oud is, en hulle vieringe ook deel van ‘n Voedsel- en Wynfees sal vorm. Pick ‘n Pay wil hierdie fees ‘n jaarlikse instelling maak.
Vanjaar se Voedsel- en Wynfees, beloof om ‘n fees vol geur en geselligheid te wees. Al die fondse wat tydens die fees ingesamel word, is ten bate van Primêre Skool Op die Voorpos.
Algemene assistente gee skole ‘n hupstoot
GEMSBOK-LOUISVALE: Skole regoor die land en die Noord-Kaap in onder andere Frank Biggs Intermediêre Skool, het baat gevind by die Presidensiële Jeug Werkskeppingsinisiatief wat gedryf word deur die Departement Basiese Onderwys om jeugdiges te bekwaam as onderwysers.
Hierdie program gee jeudiges vanaf 18 jaar tot 35 jaar die geleentheid om vir ses maande by skole diens te doen as nutspersone, leeskampioene, rekenaartegnologie en sosiale werkers. Hullle word ook maandeliks vergoed vir hulle dienste wat hulle elke skooldag moet uitvoer na die beste van hulle vermoë.
“Ons skool is bevoorreg om 12 jeugdiges te kon ontvang uit die gemeenskap van Louisvale en Raaswater om onderrig en leer ‘n hupstoot te gee. Leerders sukkel veral om te lees met begrip en hierdie inisiatief sal hierdie probleemarea aanspreek”, aldus mnr. Wally Cloete (prinsipaal van Frank Biggs Intermediêre Skool).
Foto: V.l.n.r: Mnr. R. Groenewald (Lees); mnr. R. Blaauw (Lees); mej. DD De Wee (Sorg & Ondersteuning); mnr. Wally Cloete (Prinsipaal); mej. A. Kock (Rekenaarvaardigheid) en
mnr. G. Gouws (nutspersoon). Middel: Mnr. C. Jacobs (Lees); mej. B. Steenkamp
(nutspersoon); mej. L. Isaks (nutspersoon); mnr. E. Blemedie (nutspersoon) en mej. G.. Izaks (nutspersoon). Voor: Mej. L. Isaks (Lees) en mej. A. du Plessis (Lees).
LTN-Education help kinders
Hamilton Andries, voorsitter van LTN-Education, is ‘n welsynsorganisasie wat kinders hul waardigheid wil teruggee. Hy en sy groep ondersteuners koop skoolskoene en gee dit aan behoeftige kinders. Hy sê hy vra sommer onder sy vriende en kennisse om hom te help in sy veldtog. “Dis nou winter en koud, baie kinders se skoene is stukkend of hul skoolklere word te klein, dan help ons hulle so. Dis ‘n riem onder ons harte as ons sien hoe bly die kinders is vir hul nuwe skoolskoene. Hy bedank ook Michael September, Houston Puley, Niklaas van Nel, raadslid Basten Jood, juff J.de Wee, Gregory Christie wat hom help met die skoolskoenprojek.
Departement tree in na ‘skokkende toestande’ by laerskool
GEMSBOK-POSTMASBURG: Die Noord-Kaapse Departement van Onderwys het ‘n volskaalse ingryping by die Agang Thuto Laerskool naby Postmasburg van stapel gestuur, na ‘n onaangekondigde besoek wat diep kommerwekkende toestande by die skool blootgelê het.
Volgens ‘n persverklaring wat deur die Departement uitgereik is, het amptenare ‘n ernstige dissipline-verswakking en ‘n blatante minagting vir die daaglikse skoolrooster gevind.
More Articles …
