GEMSBOK-UPINGTON: Die Upingtonse gemeenskap sal hierdie week die verbintenisse wat deur die Dawid Kruiper-munisipaliteit gemaak is om sanitasieverwante menseregteskendings in Upington aan te spreek, met opgehoue asems dop hou.
Nie net omdat groot dele van Dawid Kruiper munisipaliteit se kerrndorp na rou riool stink nie - maar omdat die munisipaliteit tot Vrydag 31 Oktober gegee is om verslag te lewer oor al die menseregteskendings waaraan hulle hulself skuldig gemaak het.
Die munisipaliteit het - in opdrag van die MRK - hierdie week die plaaslike sakeman, Philip Bornman, vergesel na die terrein van langdurige rioollekkasies en -blokkasies in Upington, wat ‘n stroom deur die dorp uitgekerf het en in die Oranjerivier beland het.
ZFM voor MRK: Tatas-Titus vir eerlikheid geloof
GEMSBOK-UPINGTON: Die ZF Mgcawu Distriksmunisipaliteit, saam met sy vyf plaaslike munisipaliteite (Kai !Garib, Dawid Kruiper, Tsantsabane, Kgatelopele en !Kheis Plaaslike Munisipaliteite), het voor die Suid-Afrikaanse Menseregtekommissie (MRK) verskyn as deel van die Kommissie se provinsiale ondersoek na die stand van dienslewering in die Noord-Kaap.
Die ondersoek het gefokus op kritieke menseregtekwessies met betrekking tot watervoorsiening, sanitasie, munisipale bestuur en die breër uitdagings wat dienslewering beïnvloed. Die Kommissie het opgemerk dat die ondersoek gevolg het op talle klagtes wat deur gemeenskappe regoor die provinsie ingedien is rakende toegang tot basiese munisipale dienste. Die Munisipale Bestuurder van die ZF Mgcawu Distriksmunisipaliteit, mev. Samantha Tatas-Titus, het die afvaardiging gelei, ondersteun deur senior bestuur.
Amerikaner wat gesoek is, op Kanoneiland vasgetrek
GEMSBOK-UPINGTON: Die Kanoneiland SAPD, in samewerking met INTERPOL, het ‘n 41-jarige VSA-burger op Sondag 26 Oktober 2025 in Kanoneiland in hegtenis geneem vir uitlewering.
Lede van INTERPOL het met die Kanoneiland SAPD saamgewerk in verband met ‘n Amerikaanse man wat vir verskeie sake, insluitend ontvoering, gesoek word.
Hulle het vermoed dat hy in die omgewing van Kanoneiland was.
Die SAPD-span, bestaande uit die Kanoneiland SAPD, Upington Grenspolisie en Upington Snelwegpatrollie, het in samewerking met INTERPOL-amptenare die verdagte suksesvol op ‘n plaas in die omgewing opgespoor en in hegtenis geneem.
Ntoba erken menseregte skendings in DKMNtoba erken menseregte skendings in DKM
GEMSBOK-UPINGTON: Dawid Kruiper Munisipaliteit se munisipale bestuurder, dr Elias Ntoba, is verlede week genoodsaak om onder eed te erken dat “nie alles pluis is by die dienslewering en eerbied van menseregte by Dawid Kruiper Munisipaliteit nie”.
Dit volg nadat die Suid-Afrikaanse Mense Regte Kommisie – verlede week ‘n ondersoek geloods het na die dienslewering van munisipali- teite in die Noord-Kaap.
Toe die kommisie hom direk vra of DKM menseregte, soos die reg tot basiese dienste en water en sanitasie dienste skend, het hy namens die munsipaliteit skuld erken.
Afri-Forum vra duidelikheid oor mynregte en onwettige mynaktiwiteite in DKM
GEMSBOK-UPINGTON: AfriForum se Upington-tak het ’n formele skrywe aan die Dawid Kruiper Plaaslike Munisipaliteit gerig waarin die organisasie vra vir duidelikheid oor alle mynverwante regte, permitte en omgewingsgoedkeurings binne dié munisipale gebied.
Dié versoek volg in reaksie op die ver-dagte mynbouaktiwi- teite wat aangemeld is in die omgewing van die Desert Palace Hotel & Casino Resort, die De Duine-vullisterrein en die Nakop-Askham-kruising (bekend as die Suidwes-kruising) in Upington.
Volgens die brief wat aan dr. Elias Ntoba, munisipale bestuurder van die Dawid Kruiper-munisipaliteit, ge-rig is, vra AfriForum dat die munisipaliteit binne sewe werksdae besonderhede en dokumentasie verskaf oor alle mynregte of -permitte wat deur die munisipaliteit gehou of bestuur word.
More Articles …
