GEMSBOK-SPRINGBOK: Die Rangers-netbalspan van Bergsig op Springbok het tydens die jaarlikse SuperSpar Netbal- toernooi wat op Clanwilliam gehou is, as toernooiwenner van die baan gestap.
Samantha Cloete, die kaptein het opgewonde gesê: “Dit het net weer eens bewys dat harde werk beloon word. Ons afrigter en elke speler het hulle uiterste-alles ingesit tydens die voorbereiding vir elke wedstryd.
 “Ek is verseker n trotse kaptein en met hierdie meisies gaan ek definitief na enige oorlog toe, want, ons het mekaar.”
 Rangers het die B-pool gewen en met spanne soos Brakenfell (29-7) en Oakdale (23-4) tydens dag twee, afgereken. Op dag een, Vrydag, het hulle alreeds gewys wat in hulle steek en altwee wedstryde gewen.

Olyvenhoudtsdrif se o.10 netbalspan wat teen Simbruner gespeel het.
Louisvale se o.13 sokkerspan wat teen Rosendal laerskool gespeel het. Die Intermediêre Skool Franciscus se o.14-netbalspan wat sy wedstryd teen  Kalksloot I/S welverdiend met 8-2 gewen het.
Louisvale (blou) en  Olyvenhoudtsdrif se mini-netbalwedstryd Saterdag in Louisvale.
Louisvale I/S (rooi) en Rosendal het  sake uitgespook en gelykop geëindig met 1-1.
Die Laerskool Simbruner se o.10-netbalspan het baie goed vertoon tydens Saterdag se sportdag wat deur Louisvale I/S aangebied is. 

Twee Hoërskool Kalahari-krieketspanne het  onlangs aan die Gimmies               
Volkies-krieketfees in Potchefstroom deelgeneem. 
Die 0/15’s het twee oorwinnings uit hul vier wedstryde behaal en die Eagles was drie keer aan die wenkant en het slegs in die laaste boulbeurt van ‘n T20-wedstryd teen ‘n gekombineerde 0/19 (A/B)-span van Hoër Volkskool verloor.
Die Kalahari spelers het verskeie besondere prestasie behaal maar dit is definitief Strauss van Heerden se kolfbeurt van 207 lopies van 134 balle, in ‘n 0/15 wedstryd teen ‘n 0/15 span van Potch Gimnasium wat lank onthou sal word. Strauss het 23 x 4’e en 11 x 6’e geslaan.

 Vyf van die Hoërskool Duineveld se netbalspeelsters het  in Kaapstad, by Hoërskool DF Malan, aan die Telkom Netball Championships deelgeneem. Zandri Brink, Carla Kuhn en Megan Lombard verteenwoordig die o.17 Robyne span en Yolanda de Kock en Marné Compion die o.18 Robyne span. Yolanda is ook gekies as die kaptein van die o.18 span. 
 

Die beleërde rugbyklub United, wat tot dusver vanjaar nog nie ‘n oorwinning kon behaal het in die ZFM-kompetisie nie, het Sater-dag op die Unieveld so byna teen die verwagting vir ‘n verrassing gesorg toe hy met 15-19 vasgeval het teen Sunwolves.
 Die rustydtelling was 5-7 in Sunwolves se guns. 
United se voorspelers met die loskopstut Shane Beukes en die agsteman JC Tyers aan die voorspits het die stryd voorlangs oorheers. 
 In die 20ste minuut het JC Tyers die eerste drie gaan druk ná ‘n stormloop deur hul voorspelers. 

GEMSBOK-UPINGTON: Die APD Benede Oranje het onlangs ‘n baie geslaagde Rolstoel Rugbytoernooi by die Kalahari Mall gehou.
Sestien (16) spanne uit die dorp het ingeskryf vir die kompetisie.  Vanaf die oggend 08:00 het die spanne dit uitgespook teen mekaar. Die span wat met die trofee weggestap het, was Toy Raiders (Toyota). Eers het die Mustangs Rolstoelrugbyspan van Bloemfontein ‘n demonstrasie-wedstryd teen mekaar gespeel en die reëls van die spel aan almal verduidelik. Die Rotariërs het kom hand bysit en van hul lede het gedien as skeidsregters.

Die karatekas van die NGO “Change Through Sport”  het onlangs hulle eerste gradering vir 2025 gehou. Tydens die gradering is die volgende karatekas soos volg bevorder:
1. Adriano Bok - Oranje gordel
2. Elijah March - Geel gordel
3. Matteo Williams - Oranje gordel
4. Botlhale Pesa - Blou gordel
5.  Zande Ncube - Geel gordel

GEMSBOK-UPINGTON: Upington City Sokkerklub, een van die vinnigste groeiende sporthandelsmerke in die Noord-Kaap, het ‘n dinamiese vennootskap met CRC Cares aangekondig om sosiale ontwikkeling in die streek te bevorder. 
Hierdie samewerking fokus op gemeenskapsbetrokkenheid deur sport en jeugontwikkeling.
Die klub, wat in 2021 gestig is en tans meeding in die Motsepe Foundation Kampioenskap – die tweede hoogste sokkerliga in Suid-Afrika – het reeds merkwaardige vordering gemaak. Hulle het hul plek in die Nasionale Eerste Divisie verdien en het in hul eerste seisoen 6de geëindig. Hulle het ‘n sterk digitale teenwoordigheid en groeiende aanhang op platforms soos Facebook, TikTok en Instagram.

Hierdie jaar sluit die Suid-Afrikaanse Polisiediens (SAPD) by die land aan om jeugmaand te vier deur sy jong mans en vroue in blou te vier wat bo en behalwe hul pligte gaan.
Vandag stel ons ons lesers voor aan konstabel Leilani Blom en konstabel Nicolene Visser, wat onlangs gekies is om by die senior vroulike Suzuki Griekwas Rugbyspan aan te sluit om op professionele vlak teen spanne sal meeding.
Die span is onlangs aangekondig en die SAPD is trots op die twee dames in blou.
Konstabel Leilani Blom (28) het haar SAPD-loopbaan sewe jaar gelede by ‘n afgeleë mynpolisiestasie in Aggeneys begin.

Fitness Profound het vir die eerste keer die jaar ‘n fiksheidsuitdaging by die       Upington Landbou Expo aangebied.
Die kompetisie was gekenmerk deur kragtoetse, veerkrag asook uithouvermoë.
Die skouspel het talle toeskouers gelok om ook te wys wat in hulle steek. Fitness Profound sal graag weer volgende jaar so iets wil aanbied met baie meer deelnemers.Baie dankie aan almal wat aan die uitdaging deelgeneem het. “So kry jouself fiks en sterk vir 
volgende jaar.Dan gaan ons groot,” sê China Gilbert van Profound Fitness 

Die eerste jaarlikse Mokoena Foundation Sokkerkampioenskap het die afgelope naweek op Upington plaasgevind.
Ter viering van Jeugdag het organiseerders, Reginald Tefo Mokoena, Romario Sigeni en German Jacobs verskeie skole in Upington genader om aan die eerste Mokoena Foundation Sokkerkampioenskap deel te neem.
Die skole wat deelgeneem het was AJ Ferreira, Paballelo Hoërskool, Carlton van Heerden, Saul Damon en SC Kearns.
Die Hoërskool Paballelo het as kampioene uit die stryd getree.

Krieket in die winterseisoen? Ja, ons lesers het hier reg gelees. Die Fire Lions van Calvinia was  Saterdag behoorlik aan die brand teen Orange Diamonds van Upington. 
Die begeesterde besoekers was op die dag se spel die beter span wat kolf-en veldwerk betref. 
Vangskote vanuit die boonste rakke was deur hulle benut en die span se boulers met Elrico Ryck aan die voorpunt was eens té veel vir die tuisspan.