Die Laerskool Seodin se rugby-spanne kragte gemeet teen Op Die Voorpos en Amarantus. 
Die spelers het hulle goed van hul taak gekwyt en die skool is trots op die seuns vir hul harde werk en sportmangees!  
 Uitslae:
    o/11A wen teen Op Die Voorpos
    o/13A wen teen Op Die Voorpos
    o/13B verloor teen Amarantus

Die rugbyspanne van Sunwolves, Kakamas en Upington Dorp het Saterdag hul onderskeie ZFM-ligawedstryde hier oortuigend gewen. 
Aldrie dié spanne het hul aanspraak op die uitklopfase later vanjaar ‘n verdere hupstoot gegee, berig Nick Pretorius. 
Sunwolves het Kenhardt op die Unieveld welverdiend met 29-15 geklop. 
* Puntemakers: Sunwolves: (10), 29; Drieë: Luciano Anthony (2), Lionel “Pepe” Abrahams, Remarco Groenewald en Ruwano Bok. Doelskoppe: Royston Isaaks (2). Kenhardt: (10), 15. 
Drieë: Benitto Pretorius, Dwayne Berend en Jeandré Jors. 

Sjoe! Dit was byna ‘n groot teleurstelling vir die spanbeamptes en die spelers van Upington City Sondag hier op die Dicky Jacobs-stadion. Groot was die verligting nadat die tuisspan die gedugte Highbury van die Oos-Kaap met 1-0 getroef het in ‘n Motsepe Foundation Championship-ligawedstryd, berig Nick Pretorius. 
Die tuisspan mòès dié wedstryd wen om nie gerelegeer te word nie. Sodoende behou Upington City sy deelname aan die gewilde MFC lewendig vir die 2026-sokkerseisoen. 

GEMSBOK-UPINGTON: Tydens vanjaar se Landbou Expo wat gehou word, sal kragmanne en fiksheidsentoesiaste hul krag en uithouvermoë kan kom toets.
Fitness Profound, onder leiding van Dirk Gilbert (China) en sy span bied ‘n eliminasie uitdaging vanaf Saterdagoggend 10:00 af aan.
Die wenner sal bepaal word deur die persoon wat die langste kan uithou, “last man standing”.

Ondanks ‘n oorwinning van 45-14 oor ‘n hoogs gemotiveerde span van Keimoes vlei die telling die Defence Force Collegians (DFC) in ‘n groot mate. 
Dié twee spanne het Saterdag op Keimoes in ‘n ZFM-ligawedstryd mekaar behoorlik opgekuil. Was dit nie vir Keimoes se foute op kritieke oomblikke nie, kon die uitslag dalk anders gelyk het. 
In die eerste helfte het Keimoes saam met ‘n sterk suidwestelike wind gespeel en onmiddellik die DFC-agttal onder kwaai druk geplaas in die vaste fasette. 

GEMSBOK-UPINGTON: Die sokkerklub Hungry Lions wat 12de lê uit 16 spanne op die Motsepe Foundation-liga punte-stand het Sondag hier op die Dicky Jacobs-stadion gelykop gespeel met 1-1 teen Cape Town Spurs.
 Die besoekers is 15de op die punteleer en is onder druk om die relegasie-spook in die gesig te staar. In die eerste helfte het Hungry Lions die besoekers deurgaans onder druk geplaas met hul aanvallende spel
In die 40ste minuut het Muzomuhle Khanyi die tuisspan se enigste doel aangeteken. In die tweede helfte het die humeure onder die spelers kort-kort opgevlam en die skeidsregter en grensregters moes vinnig tussen beide tree om die spelers te kalmeer. 

Die rateltaai skopboks boeties van Kathu het die afgelope tyd weer die hele Noord-Kaap trots gemaak na hulle deelname aan die SA Kampieonskappe in New Castle, KZN.
 Na ‘n strawwe week van taai kompetisie het die Pieterses die vloer onder hulle opponente gelyk gemaak en weereens puik presteer.
  Hierdie prestasie is nie net ‘n besonderse mylpaal vir Lylle en Liam nie, maar ‘n trotse oomblik vir die hele de Koker-en Pieterse familie. 

Die Noord-Kaap Sierduifvereniging het verlede naweek die jaarlikse Noord-Kaap streekskou op Upington gehou.
Daar was 570 duiwe vir die skou ingeskryf en mense so ver as Middelburg (Tvl), Oudtshoorn, Kroonstad, Kaapstad, Hartenbos, Bloemfontein, Pretoria, Bothaville het Upington toe gekom vir die streekskou. 
Die junior kampioen was ‘n Working Homer  van Lihan Geldenhuys en die senior kampioen was ‘n Schietti Modena  van Seppie Esterhuysen

Upington: “Dit was ‘n wedstryd van twee helftes. In die eerste helfte het ons goed gespeel en spel gedomineer, maar in die tweede helfte het ons dissipline ons in die steek gelaat”. Só het die voorsitter van die rugbyklub Sunwolves, Lionel “Pepe” Abrahams, Saterdag se ZFM-ligawedstryd met United op die Unieveld kortliks opgesom. 
Sunwolves het United naelskraap met 24-22 geklop en was rustyd gerieflik voor met 17-5. In die eerste helfte het Sunwolves met goeie samespel tussen voor-en agterspelers die oorhand gehad en die span van United onder druk geplaas. 

Die Compion-broers, Gerrie en Dian het onlangs deelgeneem aan die Central Offroad Racing Kimberley se Jacobsdal 150 – wedren. 
Die twee broers het hul maats en onder-wysers by die Hoërskool Martin Oosthuizen breëbors laat glimlag met hulle uitstekende prestasies. Dian (gr 8 was eerste in die beginnersklas. Hy het 3 rondtes van 42km elk gery.  Ouboet Gerrie eindig algeheel derde in die 250 Pro klas. Hy moes 4 rondtes van 42 km elk ry.

Die  Destiny United Fc van Groblershoop het Maandagaand in gietende reën die jaarlikse groot Cornald Mouers-Sokkertoernooi op die Dicky Jacobs-stadion hier voor ‘n groot skare met 1-0 gewen teen Mainstay United van Sesbrugge. 
So berig Nick Pretorius, vryskut sportfotograaf, na afloop van die gewilde jaarlikse toernooi.
Nick skryf: 
Dit was ongetwyfeld “die wedstryd van die toernooi” wat veral op Saterdag en Sondag skare van 5 000 elk gelok het. 
Hierdie baie gewilde toernooi word gewoonlik oor vier dae gedurende die lang Paasnaweek beslis. 
Die toernooi is vernoem na Cornald Mouers, ‘n boorling van Louisevale net buitekant Upington. 

Die rateltaai skopboks boeties van Kathu het die afgelope tyd weer die hele Noord-Kaap trots gemaak na hulle deelname aan die Jacaranda Challenge  in Pretoria.
Hulle het natuurlik ook hulle Nasionale Protea klere in die sport verwerf.
 Hulle maak gereed vir SA kampioenskappe in New Castle KZN. Dit vind plaas van die 26ste tot die 29ste April 2025. Die vloer is gelyk en die Pieterse-kinders is gereed!
 Hierdie prestasie is nie net ‘n besonderse mylpaal vir Lylle en Liam nie, maar ‘n trotse oomblik vir die hele de Koker-en Pieterse familie. 

Lylle presteer by die Jacaranda Challenge
Points Fighting - Gold
Continues Fighting - Gold
Kick light - Gold

Liam presteer by die Jacaranda Challenge
Points Fighting - Silver
Continues Fighting - Gold
Kick light - Gold