GEMSBOK-UPINGTON: Met meer stewels op die grond, bly Operasie Shanela se weeklikse multidissiplinêre hoëdigtheid-operasies daarop gefokus om prioriteitsmisdade in die provinsie aan te spreek.
Ontwrigtende aksies regoor die provinsie het op Maandag, 3 Maart 2025 begin en op Sondag, 9 Maart 2025 afgehandel - gefokus op verskerpte misdaadvoorkoming en die bekamping van pogings om kriminele aktiwiteite in die provinsie hok te slaan.
Hierdie polisie-aksies het voertuigbeheerpunte (VCP’s), stop- en deursoekings, padblokkades, opsporing van gesoekte verdagtes, voet- en voertuigpatrollies, nakomingsinspeksies, bewusmakingsveldtogte, gemeenskapsuitreikaksies met gemeenskapspolisiëringsraadvergaderings ingesluit.
Tydens die weeklikse operasies het die polisie 325 persone gearresteer vir ‘n verskeidenheid misdade, insluitend: rooftogte, moord, poging tot moord, verkragting, aanranding met die doel om ernstig te beseer, gewone aanranding, huisbrake, diefstal van of uit ‘n motorvoertuig, opsetlike saakbeskadiging, bestuur onder die invloed van alkohol of dwelms, onwettige migrante.
46 Voertuigbeheerpunte (VCP’S) en 10 padblokkades is uitgevoer. 

GEMSBOK-KEIMOES: Die Valke is op soek na twee veroordeelde bedrieërs, van wie een laas in die Noord-Kaap gesien is, nadat hulle versuim het om meer as R6 miljoen terug te betaal soos deur die Durbanse Gespesialiseerde Handelsmisdaadhof beveel.
Speurders van die Valke se Durban Ernstige Kommersiële Misdaad-ondersoekeenheid het ‘n beroep op die publiek gedoen vir inligting oor waar Eldorette van Wyk (50) en Maria Elizabeth van Wyk (81) is, wat albei in 2019 aan bedrog skuldig bevind is.
Volgens die owerhede is die twee gevonnis tot vyf jaar tronkstraf, heeltemal opgeskort vir vyf jaar, op voorwaarde dat hulle BMG-maatskappy ‘n totaal van R6 018 910 terugbetaal, wat hulle op bedrieglike wyse bekom het. 

GEMSBOK-UPINGTON: Twee Upington-gebaseerde skrootmetaalondernemings is met boetes geklap - nadat hulle skuldig bevind is aan die onwettige aankoop van Telkom-koperkabels, ná ‘n geheime ondersoek deur die Valke.
Die Upington-streekhof het Van Zyl Scrap Metal (Edms) Bpk vandeesweek skuldig bevind en gevonnis tot ‘n boete van R70 000, waarvan die helfte vir vyf jaar opgeskort is, vir die oortreding van die Wet op Tweedehandse Goedere.
Volgens ao Nomthandazo Mnisi, woordvoerder van die Valke Noord-Kaap, is die besigheid vasgetrek tydens ‘n geheime steekoperasie wat in 2020 van stapel gestuur is.
As deel van die ondersoek is Telkom-koperkabels aan Van Zyl Scrap Metal verkoop.
 Ná drie transaksies is die operasie in Junie 2022 afgehandel, wat tot die maatskappy se vervolging gelei het.  Die beskuldigde het verskeie hofverskynings gemaak voordat hy skuldig gepleit het, met vonnisoplegging wat op 5 Maart afgehandel is.
Intussen is OL Scrap Metal (Edms) Bpk in ‘n aparte  - maar verwante saak ook skuldig bevind vir die aankoop van Telkom-koperkabels. 

Lede van Mothibistad SAPD-lede het op 27 Februarie 2025 inligting opgevolg oor ‘n sekere huis in Magojaneng waar vee na bewering aangehou word.
Die inligting is geoperasionaliseer deur Vispol-bevelvoerder, kaptein Nomvuyo Makoloi, die speurbevelvoerder, kaptein Sethunya Letshwiti saam met Vispol-lede.
Die verdagte is geïdentifiseer en die voertuig wat vermoedelik die vee vervoer, is ook bevestig.
Met aankoms by die geïdentifiseerde perseel is die inligting bevestig dat die drie mans wat die Isuzu-bakkie bestuur het, vertrek het en met een skaap na Seodin gery het.