Klerksdorp Rekord, Klerksdorp - Checkers Wilkoppies het sy deure op Dinsdag 25 Maart geopen.
Dit val saam met die opening van The Village, ‘n blink nuwe winkelsentrum op die hoek van Austin- en Buffelsdoornweg.
Die Checkers-supermark is ‘n nuwe generasie FreshX-winkel wat spog met breë gange en ‘n winkeluitleg wat ontwerp is om dit vir kliënte moeiteloos te maak om kos te vind wat geskik is vir hul leefstyl en dieetvereistes. Die opening is gevier met ‘n lintknip waar die bestuurder, Koos Luyt, en sy hele personeel teenwoordig was.
Die winkel het ‘n spesialiteits voedselafdeling en kliënte kan aansit by ‘n koffiekroeg in die winkel.
Checkers se troeteldierwinkel het ook op die dag geopen. Die drankwinkel se opening sal later aangekondig word.
Die winkel het ‘n tjek ter waarde van R5 000 aan Maggie van Zuydam, voorsitter van Mosterdsaad Gemeenskapshulp, oorhandig.
