Klerksdorp Record - Community News

Help Chanelle met ’n nuwe rystoel

Klerksdorp Rekord, Klerksdorp - Inwoners het Chanelle Greenan al by van die stad se verkeersligte naby die landdroshof in die middestad gesien waar sy in haar rystoel sit en vra vir donasies.

Dié 23-jarige is so swak dat haar man haar moet ronddra, optel en versorg.

Sy en Johan het Klerksdorp Rekord besoek in die hoop dat iemand haar kan help om ‘n elektroniese rystoel te kry. Hy doen al die praatwerk en sy het in die motor gesit en net gegroet. “Die staat gee nie sulke duur toerusting nie. Ek weet van ‘n gebruikte een wat by ‘n pandjieswinkel staan, maar hy kos R12 000. Ek het die eienaar gevra of hy hom sal skenk, maar hy wil nie. Ek weet nie hoeveel kos ‘n nuwe een nie,” het Johan gesê.

Top award for local journalist

Klerksdorp Record, Mahikeng - Former Klerksdorp Record reporter Mohanoe Khiba won the NW Sports Department’s award of Journalist of the Year.

On Saturday November 18, the Mmabatho Converntion Centre was packed when the NW Sport Awards were announced.

Khiba who now reports for Daily Sun and contributes on and off for Lentswe and Klerksdorp Record on a freelance basis says he was overwhelmed when his name was announced as winner in the category Journalist of the Year (Print). “It is tough reporting on sport and I really make sure that I work extremely hard to find the most recent sports stories in the province and of course, it is my passion, I am committed to do so.”

Leshané se sprokiesrok is naaswenner

Leshané Chatwind is met haar pragtige matriekafskeidsrok ontwerp deur Jose de Canha Couture die naaswenner in die Sondagkoerant Rapport se matriekafskeid-kompetisie. Sy het haar matriekafskeid rok vergelyk met die sprokie van Aspoestertjie en het gesê haar rok is presies waarvan sy as jong dogtertjie gedroom het. “Ek het gevoel soos Aspoestertjie wat in ‘n glansprinses verander het.’’ Leshané is dankbaar vir al die Klerksdorpers wat vir haar gestem het en die komplimente vir haar rok. Sy het kontant, data en lugtyd gewen. ‘n Potchefstromer, Malincke Botha het die kompetisie gewen met ‘n rok ontwerp deur Esje’s Design in Potchefstroom. Albei ontwerpers is oudstudente van North West School of Design in Klerksdorp.

Foto: Salomé Kotzé.

Museum herdenk Eerste Wêreldoorlog

Klerksdorp Rekord, Klerksdorp - Die stad se kultuurmuseum herdenk die einde van die Eerste Wêreldoorlog met ‘n tydelike uitstalling wat by die museum besigtig kan word.

Die wapenstilstand wat ‘n einde aan aktiewe gevegte gemaak het, het om 11:00 Greenwich-tyd op 11 November 1918 begin. Elke jaar van November tot Januarie vereer die museum hierdie mees onvergeetlike geleenthede deur ‘n kleurvolle tydelike uitstalling van voorwerpe en kunswerke wat met die oorlog verband hou.

Toegang is gratis, en daar is ook ‘n aantal kort video’s wat met die oorlog verband hou, wat gesien kan word. Inwoners is welkom om dit te besoek.
Die museum het meer inligting by 018 487 8900.

Kersvader kuier vroeg in Klerksdorp

Kosh Kids se jaarlikse Kersboom het die afgelope naweek by die Portugese Saal plaasgevind en honderde kinders wat vooraf gekies is om aan die spesiale Kersboom deel te neem, kon na hartelus speel en is huis toe met kospakkies en geskenke. Twee plaaslike skoonheidskoninginne, Michaela Chatwind en Mckenzie Viljoen, het saamgekuier en hul opwagting op ‘n hotrod saam met Kersvader gemaak. Foto verskaf.