Dit kan nie bevestig word of die voorval van ‘n Checkers Sixty60 afleweringsbode wat beroof word terwyl hy by ‘n kompleks se ingang wag vir toegang, in Klerksdorp gebeur het nie. ‘n Video van so ‘n voorval het vandeesweek opslae gemaak op sosiale media, maar die oorsprong kan nie bevestig word nie. Verskeie mense van regoor die land wat kommentaar gelewer het op die video het aangedui dat hulle weet van soortgelyke voorvalle wat al met afleweringsbodes gebeur het. Wees maar versigtig, is die algemene boodskap. Die foto is ‘n skermgreep van die video.
